بوگون «سهشنبه، 27- جوزا» ناتو تشکیلاتی باش کاتبی ینس استولتنبرگ نینگ ایتیشیچه، افغانستان وضعیتی حاضر هم چیگل کورینهدی و طالبان گروهی بو مملکت ده تینچلیک تأمینلنیشی اوچون بیرگن سوزلری گه عمل قیلیشی کیرهک.
ناتو تشکیلاتی گه اعضا مملکتلرنینگ مدافعه وزیرلرینی ییغینی یولگه قوییلیشیدن بیر کون آلدین بروکسل ده اوتکزیلگن خبری بیر ییغینده مذکور تشکیلات نینگ باش کاتبی ینس استولتنبرگ نینگ ایتیشیچه، طالبان گروهی افغانستانده تینچلیک تأمینلنیشی اوچون زوروانلیکلرنی کمهیتیریش، القاعده و باشقه تروریستی گروهلر بیلن علاقهلرینی کیسیش و افغانلر ارا سوزلشووگه حاضر بولیش توغریسیده سوز بیرگن.
ناتو تشکیلاتی باش کاتبی نینگ ایتیشیچه، حال بوکه تینچلیک جریانیده کیلیشمهلر و زوروانلیکلر کمهییشی گه گواه بولگن، لیکن افغانستاندهگی وضعیت حاضرهم چیگل کورینهدی.
ینس استولتنبرگ نینگ ایتیشیچه، بو تشکیلات ایلگری کیلیشوو اساسیده، افغانستاندهگی عسکرلرینی کمهیتیریش گه ارادهلی دیر.
ناتو تشکیلاتی گه اعضا مملکتلرنینگ مدافعه وزیرلرینی ییغینی ایرته دن باشلب بروکسل ده ایکی کون اوچون یولگه قوییلیشی خصوصیده قرار قیلینگن.
