.jpg)
مملکتنینگ ایریم منطقهلریده اینیقسه باشکینتده کون اوتیشی بیلن اعتراضچیلرنینگ خیمهلرینی رقمی آشماقده.
نمایندهلر کینگشی اعضالری و تحلیلچیلر، کابلده تحصن قیلگنلر بارهسیده حکومت صادر قیلگن اعلامیه متنی قتهغن قیلیش معناسیده دیدیلر.
نمایندهلر کینگشی اعضالری و سیاسی تحلیلچیلردن بیرقطاری، کابل اعتراضچیلری توغریسیده حکومتنینگ اعلامیهسیگه اشاره قیلیب ایتیشیچه، حکومت مدنی حرکتلرنی قتهغن قیلیشگه اولگورگن صورتده، مملکتدهگی موجود قیینچیلیک کینگهییشی ممکن.
ینگیلیکده حکومت تامانیدن صادر ایتیلگن اعلامیهده، کابل اعتراضچیلری تحصن خیمهلرینی ییغیشلری سورهلگنو ییغیلمهگن صورتده، امنیتی کوچلر ییغهدی دییلگن.
نمایندهلر کینگشی اعضاسی جعفر مهدوینینگ سلاموطندارگه ایتیشیچه، اعتراضچیلرنینگ تحصن خیمهلری کوتریلیشی خصوصیده، حکومتنینگ سعی و حرکتلری قتهغن قیلیشنی کورستهدی.
نمایندهلر کینگشینینگ اوشبو اعضاسیگه کوره، حکومت تامانیدن مدنی حرکتلر اهالیدن آلینگن صورتده، مملکت یشاوچیلری غیر مدنی و زورهوانلیک حرکتلرگه قول اوروشلری ممکن.
جناب مهدوینینگ اورغولشیچه، حاضرگی شرایطده مدنی اعتراضلر قتهغن قیلینگن صورتده، وضعیت بوندن کوره یمانراق بولهدی.
.jpg)
جناب مهدوی، مدنی اعتراضلرنی یشاوچیلرنینگ حقی دیب کوپهیتیریشیچه، ملی بیرلیک حکومت اعتراضچیلرنینگ ایستکلریگه تَن بیریب و اصلاحات کیریتیشی کیرهک.
شونینگدیک، سیاسی تحلیلچی و خبرچی نظری پریانینینگ ایشانچیگه کوره، اعتراضچیلرنینگ تحصن خیمهلری کوتریلیشی توغریسیده، ملی بیرلیک حکومت تامانیدن صادر ایتیلگن اعلامیهدن قتهغن قیلیش و زورهوانلیک سیسی چیقهدی.
اوشبو سیاسی تحلیلچیگه کوره، حکومت مدنی حرکتلر برابریده زورهوانلیک سیاستنی نظرگه آلگن و بو ایش افغانستاننینگ حاضرگی وضعیتینی یمانراق قیلیشی ممکن.
جناب پریانی، حکومتدن اعتراضچی یشاوچیلرنینگ برابریده سیزگیرلیکدن ایش آلیب و حربی سیاستدن وازکیچیشینی طلب قیلگن.
بیراق، حکومتنینگ اعلامیهسیده اورغولنیشیچه، امنیتی تهدیدلر موجودلیگی، یوللر توسیلگنی و باشکینتده قطاری چیت ایللیک ادارهلر دفترلرینی یاپیشی خصوصیده آگالنتیریشی باعث، کابل اعتراضچیلری تحصنلریگه نقطه قوییشلری کیرهک.
عین حالده، کابل شهریده اعتراضچیلر، 7- تحصن خیمهلرینی کوترگنلر. شونینگدیک، تخار، سمنگان و باشقه بیرقطار ولایتلرده تحصن خیمهلر قوریلماقده.
.jpg)
