اوتگن کون «شنبه» افغانستان ملی کته ائتلافینینگ ادعا قیلیشیچه، ماس آتلر بیلن ساخته استیکر اوریلگن 10 مینگ کیملیک و آق استیکرلرنی قولگه کیریتگن و بو ائتلاف نینگ اعضالریگه کوره، بو کیملیکلر کیلهجک سیلاولرده ریجهلنگن و کینگ ساختهکارلیک بولیشینی کورستهدی.
بو ادعاگه قرشی بوگون «یکشنبه» افغانستان سیلاولر ایرکین کمیسیونینینگ خبری بیر ییغینده ایتیشیچه، افغانستان ملی کته ائتلافی سیلاولر جریانینی سبوتاژ قیلیش اوچون اوشبو شبههلی حجتنی ترقتگن. سیلاولر ایرکین کمیسیونی گه کوره، افغانستان ملی کته ائتلافی، بو حجتنی میدیا حضوریده ترقهتیشیدن آلدین، کمیسیوننینگ اختیاریده قوییشی لازم ایدی.
سیلاولر ایرکین کمیسیونینینگ مسووللری، اوشبو حجتلر خصوصیده صحبت قیلمهیدی، بیراق مملکت 6 ولایتیده آواز بیرووچیلرنی رویخطگه آلیش 60 جلد کتاب یوقالگنینی تصدیقلهیدی.
سیلاولر ایرکین کمیسیونینینگ سوزلاوچسی حفیظالله هاشمینینگ ایتیشیچه، ایتلاف تامانیدن ترقهتیلگن حجتلر تیکشیریلیب و رویخطدن چیقاریلهدی.
سیلاولر ایرکین کمیسیونینینگ باشلیغی گلاجان عبدالبدیع صیادنینگ ایتیشیچه، سیلاولر ایرکین کمیسیونینینگ ایشیگی یاپیق بولگنی باعث اوشبو ارقامنینگ مدیالر اختیاریگه قوییلیشی کینگه قالگن.
عینحالده، جمعیتنی رویخطگه آلیش اداره سوزلاوچیسی روحالله احمدزینینگ ایتیشیچه، افغانستان ملی کته ایتلافینینگ حجتلرنی ترقهتیشدن آلدین اوشبو اداره بیلن شریک قیلیشی لازم ایدی.
جمعیتنی رویخطگه آلیش ادارهنینگ ایتیشیچه، بوندن آلدین هم شونینگدیک ادعالر صورت تاپگن ایدی بیراق تیکشیریش دن سونگ مذکور استیکر اورلگن کیملیکلرنینگ اوشبو اداره دیتابیسیگه ثبت بولمهگنی بیللی ایتیلدی.
آواز بیرووچیلرنینگ بیرینچی رویخطینی جاری قویاش آی اداغیگچه سیلاولر ایرکین کمیسیونی تامانیدن ترقهتیلیشی ممکن.
سیلاولر ایرکین کمیسیونی مسووللرینینگ ایتیشیچه، دیتابیس مرکزیگه معلوماتلرنی وارد قیلیش جریانیده قولابی کیملیکلر و ماس اسملر بیللی ایتیلهدی و حاضرگهقدرمشکوک بولگن 25 جلد کتاب تیکشیریلگن.
