ایرکین سیلاو کمیسیونی جاری ییلده سیلاونی اوتکزیشگه قادر ایمس.
افغانستان ایرکین سیلاوینی کوزه تووچی نهاد «فیفا» نینگ اوتمیش 4 آیده قولگه کیریتگن حجتلریگه کوره، جاری ییلده سیلاو کمیسیونی پارلمان و تومنلر کینگشی سیلاوینی اوتکزیشگه قادر ایمس.
بوگون کابلده خبری انجمن اوتکزگن افغانستان ایرکین سیلاوینی کوزه تووچی نهاد نینگ اجراییه بولیم باشلیغی محمدیوسف رشید نینگ ایتیشیچه، فنی، توزوم و مرحلهلر نهایی ایتیلمهگنلیگی نتیجهسیده پارلمان و تومنلری کینگشی سیلاوی اوتکزیلیش امکانیتدن اوزاق کورینهدی.
جناب رشید، سیلاو کمیسیونیده متنظم برنامه بولمهگنلیگی، محلی ادارهلر تامانیدن سیلاو حوزهلری انیقلنمهگنلیگی و لیستی اوشبو کمیسیونگه تاپشیریلمهگنلیگینی جاری ییلده سیلاو اوتکزیلمسلیکلر باشقه دلیللریدن دییدی.
بونهاد اجراییه باشلیغی، سیلاوکمیسیونی دبیرخانه باشلیغی معرفی قیلینیشی، حوزهلر حکومت ایستهگی اساسیده تقسیم قیلینیش و کمیسیون ایشی نظارت قیلهدیگن نهادلر حضوریده بولمهگنلیگی کمیسیون تامانیدن کورینیب تورگن سیلاو قانونینی نقض قیلیش دیب بیلهدی.
.jpg)
بیراق ایرکین سیلاو کمیسیونی نینگ عملیاتی بولیم اورین باسری و اوشبو کمیسیون کمیشنیری وسیمه بادغیسی نینگ سلاموطندارگه، سیلاو بولیب اوتیشینی کوزه تووچی نهادلر تامانیدن کمیسیون ایشلری نتیجهسی بارهسیده ایتیلهدیگن سوزلرینی آلدیدن قضاوت قیلیش دیب بیلهدی.
خانم بادغیسی نینگ ایتیشیچه، کمیسیون نینگ سیلاو الکترونیکی بولیش بارهسیده فنی اورگنیشلری نهایی بولگن تقدیرده، سیلاو بولیب اوتیش تاریخی هم انیق بولهدی.
ایرکین سیلاو کمیسیونی نینگ عملیاتی بولیم اورین باسری نینگ کوپهیتریشیچه، کمیسیون ینگی اعضالری نینگ ایشیگه 3 آی دن آشماقده، شو مدتده بولر سیلاو حوزهلرینی قیسقرتیریش معماسینی حل ایتیشگه موفق بولگنلر.
