.jpg)
افغانستان جمهور رییسی «سوو و برقرار ترقیات» نامی آستیده اوتکزیلگن تورتینچی ییغینده سوزلب، افغانستان سوو برقرارلیگی مملکت و منطقه فایدهسیگه دیگن.
جناب غنی، سوو گه تیگیشلی خلق ارا قانون مملکت اساسی پرنسپلریدن بولیب، انه شو باعث افغانستان قوشنی دولتلریدن مملکتده قوریله دیگن سوو توغانلریدن هیچ قندهی تشویشده بولمسلیکلری کیرهک لیگینی بیلدیرگن.
منطقهوی همکارلیکلر اوچون سوو نینگ مهم رولی بارلیگی اوستیده تاکید قیلگن جمهور رییس، حقوقی چهارچوبه اساسیده قول قوییله دیگن لایحهلرده سوو منبعلریدن یخشی صورتده ایکّی تامانلمه و نیچه تامانلمه فایده لهنیش لازم دیگن.
جمهور رییس غنی، افغانستان نینگ سوولریدن عملده فایدهلهنیش اوستیده تاکید قیلگن. سوو افغانستان نینگ اینگ کتّه بایلگی حسابلنهدی دیگن جناب غنی. سوو عدالتسیزلیک روشده ترقه تیلگن لیگی حقیده اشاره قیلگن جمهور رییس غنی، سوو ترقه تلیشده برقرارلیککه سبب بوله دیگن سابقلردهگی سیستم و کاناللردن فایدهلهنیش لازم دیگن.
.jpg)
او، دریایی حوزهلر ایری – ایری اورگه نیلیشی کیرهک لیگی بارهسیده علیحده اورغولهگن. هر بیر حوزه اوچون ایری لایحه ایشلب چیقاریلشی مقصدگه موافق دیگن جمهور رییس غنی.
ییغینده چیقیش قیلیب نطق سوزلهگن مملکت سوو برق وزیری علی احمد عثمانی سوو منبعلریده مدیرت بولمهگن لیگی مملکتدهگی سوو منبعلریده ییریک معمالرنی پیدا قیلگن دیگن. جناب عثمانی، سوو برقرالیک ترقیاتی عملی بولیش اوچون وزیرلیکلر اورتهسیده هماهنگ بولیشیگه کتّه احتیاج بارلیگینی تیلگه آلگن.
سوو و برقرارلیک ترقیات ییغینی نینگ تورتینچی باسقیچی اوچ کون دوام ایتیهدی.
