.jpg)
اوتگن (دوشنبه کون) نمایندهلر کینگشیده جمهور رییسنینگ ایکینچی اورین باسری سرور دانشنینگ ایتیشیچه، تیزلیکده فسادگه قرشی کورهشیش کمیته ایجاد ایتیلیب و جمهور رییسنینگ اوزی اونی باشقرهدی.
حاضر سوراق توغیلهدی کیم، جناب غنی، حاضر نیچه چوکی و شونینگدیک باشقه نیچه کمیتهگه مسؤول دیر. عین حالده، باشقه بیر کمیتهنی ریاستیگه قندهی بیر شکلده مسؤول بولهدی؟ دیمک جمهور رییس نیمه اوچون کمیته توزهتهدی و بو کمیتهلر کیرهکلی بیر ایش قیلهآلهدی می یوق؟
سیاسی ایش بیلرمان و نمایندهلر کینگشینینگ اعضاسی عبدالقیوم سجادی سلاموطندار بیلن اوتکزگن صحبتیده ایتیشیچه، جناب غنی، حکومت رسمیلری و ایشلاوچیلریگه ایشانمهیدی؛ انه شو سبب، حکومتنینگ اساسی ایشلریدن کوپینچهسینی اوزی نظرگه آلیب باشقرهدی.
جناب سجادینینگ ایتیشیچه، تدارکات و فسادگه قرشی کورهشیش کمیتهلر تشکیلی و باشقریلیشیگه قرهگنده، جمهور رییس، محلی حاکملرنینگ صلاحیتلرینی کمهیتیریش اوچون سعی و حرکت قیلهدی. اونینگ کوپهیتیریشیچه، ملی بیرلیک حکومتینینگ یخشی حکومتدارلیک اوچون معلوم بیر لایحهسی یوق و اوشبو قیینچیلیکلر سبب، ادارهلر و رسمیلرنینگ صلاحیتلری چیگللیککه تارتیلیب و نتیجهده ایشلر سُستلیککه روپهره بولگن.
.jpg)
بیراق، نمایندهلر کینگشینینگ باشقه بیر اعضاسی محیالدین مهدی باشقچه فکر بیلدیریب ایتیشیچه، اوتگن بیر یریم ییلده جمهور رییس تامانیدن ایجاد ایتیلگن اداری تشکیلات و کمیتهلر تیزلیکده نتیجه بیرمهیدی.
جناب مهدی، قبول قیلهدی کیم، سونگی 14 ییلده تشکیل ایتیلگن کمیسیونلر اونچهلیک نتیجه بیرمهگن؛ بیراق اونینگ ایشانچیگه کوره، ملی تدارکات کمیسیونیدن کیلیب چیقگن نتیجهلرگه قرهگنده، اوشبو کمیتهلر تشکیلی و باشقریلیشی اوچون معلوم مقصدلر و ریجهلر جناب غنینینگ فکریگه اَیلنهدی.
شونینگدیک، اوشبو نمایندهلر جمهور رییس سیاستیگه اشاره قیلیب ایتیشیچه، کمیتهلر تشکیلی، ایشلری باشقریلیشی و تیکشیریلیشی قیسقه مدتده اساسی شکلده شدتلنهدی؛ بیراق دولتی ادارهلرده اداری فساد رقمی کمهیگنیدن کیین، قیتهدن کمیتهلرنی صلاحیتلری و سیاستلری محلی رسمیلر و کابینه وزیرلریگه تاپشیریلهدی.
بوندهی بیر وضعیتده، فسادگه قرشی کورهشیش اوچون ایجاد ایتیلگن ینگی کمیته بو توغریده نیمه ایشلر قیلهدی و دولتی ادارهلردن اداری فسادنی کوتره آلهدی می یوق؟ بونگه زمان جواب بیرهدی.
