.JPG)
بوگون «پنجشنبه» ایرتهلب جمهور رئیس محمداشرف غنی بیر فرمان صادر قیلیب اجراییه ریاستینی ایکینچی اورین باسری محمد محققنینگ وظیفهسیدن چیکلنتیردی و بو موضوع دن نیچه ساعت اوتگنیدن سونگ، اجراییه ریاستی بیر اعلامیه نشر قیلیب ایتیشیچه، «ثباتسیزلیک کیمسه گه منفعت ییتکیزمهیدی.»
اعلامیهده کیلیشیچه، «اجراییه ریاستینی ایکینچی اورین باسری استاد محمد محقق وظیفهسیدن چیکلنتیریلگنی خصوصیده بولگن سونگی خبر ملی بیرلیک حکومت تشکیل ایتیلیشی توغریسیده بولگن سیاسی کیلیشووگه بوتونلهی قرشی دیر. هر بیر قرار بیر تامانلمه آلینگن صورتده، ملی بیرلیک حکومت گه قرشی سنلهدی و بوندهی تأریخی و حساس باسقیچده ملی بیرلیک روحینی کوچسیز قیلیب و ثباتسیزلیککه سبب بولهدی.
شونینگدیک، اوشبو اعلامیهده ایتیلیشیچه، ملی بیرلیک حکومت کیلهجک جمهورلیک ریاستی سیلاوی یولگه قوییلیب و ینه بیر قانونی حکومت تشکیل ایتیلگونگهقدر فعالیتیگه دوام بیرهدی.
اجراییه ریاستینی ایکینچی اورین باسری محمد محقق مقامیدن چیکلهنیشی خصوصیده بولگن فرمان جمهور رئیس محمداشرف غنی و اجراییه ریاستینینگ باشلیغی عبدالله عبدالله سوئیس نینگ داووس شهریده خلق ارا اقتصادی ییغیننی اوچینیچی کونی گه قتنشگن بیرچاغده صادر ایتیلگن.
جمهورلیک ریاستینینگ اعلامیهسیده کیلیشیچه، «افغانستان اساسی قانونینینگ 64- مادهسی و 13- فقرهسینی حکمی اساسیده، ملی بیرلیک حکومتینینگ اجراییه ریاستینی ایکینچی اورین باسری محمد محقق مقامیدن چیکلنتیریلدی.»
افغانستان اساسی قانونینینگ 64- مادهسی و 13- فقرهسی اساسیده، حکومت ییریک رسمیلری، ملی خوفسیزلیک، ملی پولیس و قوراللی کوچلرنینگ منصبدارلرینی ایشدن آلیش، استعفاءلرینی قبول قیلیش، تقاعدگه یوللش و ایشگه آلیش جمهور رئیسنینگ صلاحیتلریدن دیر.
.jpg)
جمهورلیک ریاستینینگ اعلامیهسیده جناب محققنینگ چیکلنتیریلیش سببی ذکر ایتیلمهگن و او، بو خبر توغریسیده حاضرگچه جدی عکسالعمل بیلدیرمهگن، بیراق اونگه یقین بیر منبع نینگ ایتیشیچه، اجراییه ریاستینینگ ایکینچی اورین باسری تیزلیککه بو توغریده آچیقلیک بیرهدی.
بیراق، سوراق توغیلهدی کیم، محمد محقق نینگ وظیفهدن چیکلنتیریش اوچون جمهور رئیسنینگ قانونی صلاحیتی بارمی؟
اوشبو سوراققه جواب حقوقی ایش بیلرمان وحید فرزهیینینگ ایتیشیچه، ملی بیرلیک حکومت قانون گه قرشی تشکیل ایتیلگن و بو ایش قانون اساسیده تیکشیریلمهیدی.
جناب فرزهیینینگ کوپهیتیریشیچه، اجراییه ریاستی ملی بیرلیک حکومتینینگ سیاسی کیلیشووی و جمهور رئیسنینگ فرمانی اساسیده، ایجاد ایتیلگن و اداری منطق نقطهی نظریدن جمهور رئیس بو فرماننی بیکار قیله آلهدی. حقوقدانلرنینگ ایشانچی گه کوره، جمهور رئیسنینگ فرمانی اساسیده، اجراییه ریاستی تشکیل ایتیلیشی سیاسی بیر خطا ایدی و ایشلر کیلیشوو اساسیده، آلغه آلیب باریلیش جایی گه فرمان اساسیده، عملگه آشیریلدی.
اجراییه ریاستینی ایکینچی اورین باسری محمدحنیف اتمرنینگ سیلاو تیرمه جماعهسیده جمهورلیک ریاستینینگ ایکینچی اورین باسری صفتیده نامزد بولگن.
