افغانستان جمهور رییسی محمد اشرف غنی کیچه آلمان سفر قیلدی.
جمهور رییسلیک سرایی مطبوعات بولیمی نینگ اورین باسری شاهحسین مرتضوی اوتگن کون بیر خبری انجمنده، افراطیت، اشددیچیلیک، دنیا و منطقه ده ترورچیلر تهدیدی کبی مسالهلر اوستیده بحث قیلیش جمهور رییسنینگ سفردن کوزلهگن نیتی ایکن لیگینی بیلدیردی.
جناب مرتضوی، جمهور رییس غنی مونیخ ییغینی نینگ جریانیده امریکا جمهور رییسی نینگ اورین باسری، آلمان باش وزیری، خلق ارا جنائی جنایت باشلیغی و دنیا نینگ باشقه دولتلری بلند مرتبهلی رسمیلری بیلن ایری – ایری اوچرهشیب ملاقات قیلیشی کوتیلهدی دیگن.
اوشبو سفرده افغانستان جمهور رییسی محمد اشرف غنینی مملکت ملی خوفسیزلیک کینگشی نینگ مصلتحچیسی حنیف اتمر، مالیه وزیری اکلیل حکیمی و جمهور رییس نینگ مصلحتچیلری همایون قیومی و نادر نادریلر یولداشلیک قیلیشی ایتیلگن.
مونیخ خلق ارا امنیتی ییغینی هر ییل دنیا نینگ قطار دولتلری نمایندهسی اشتراکیده آلمانده اوتکزیلهدی. بو ییغینده دنیا بویلب خوفسیزلیک مسالهلر قتنشووچیلر آرقهلی محاکمهگه آلینهدی.
