.jpg)
افغانستان سیاستچیلرینینگ آرهسیده سوز توتمسلیک بیر رسم گه اوزگرگن، بیراق هوش و ذکاوت گه ایگه بولگن سیاستچیلر تکرار شرطنامهلرنی نقض قیلیب و سیاسی اویینلرده هیچ بیر نرسه اوزگرمهگن کبی حرکت قیلهدیلر؛ اوزاق بارمهی جمهورلیک ریاستی نامزدلرینینگ یار آلیشلریگه قرهگنده، حنیف اتمر اوتمیشده عطامحمد نور، یونس قانونی و جمعیت حزبینینگ باشقه اعضالرینینگ فکریگه تاجیکلر اینیقسه جمعیتیلرنینگ دوشمنی ایدی؛ لیکن اتمر شوندهی بیر سیویملی چیقدی کیم، عطامحمد نور و دوستلرینینگ یورهگیده جای آلدی و عین حالده، جمهورلیک ریاستینینگ سیلاوی گه یوتوققه ایریشگن صورتده، بیرگن سوزلریگه توختمهسی توغریسیده شبهلر موجود.
سیاستچیلرنینگ آرهسیده برچهدن آرتیق غنی شرطنامهلرنی نقض قیلیش و دوستلرینینگ یورهگینی سیندیریشگه شهرت قازانگن، اوندن اینجیمهگن آز سیاستچی قالگن، لیکن اینجیگنلرنی قیتهدن جذب قیلیش خصوصیده، هیچ قندهی نازکلیک کورستمهگن. غنی قیلگن ایشلری دوامیده امرالله صالحنینگ ایچکی ایشلر وزیرلیگینی سرپرستی قیلیب تعیینلهدی و صالح ایسه 27 کونلیک مأمورتی جریانیده اهالینینگ یورهگینی قولگه آلیب عمومی شهرت قازاندی و غنی ایسه اونینگ کیلهجک جمهورلیک ریاستی سیلاوی گه بیرینچی اورین باسری صفتیده قبول قیلدی.
امرالله صالح جهاد و فنسالارلیک ترکیبی یا-ده فنسالار جهادیلرنینگ آرهسیده شهرت و منزلت عاشقی دیر. عین حالده، او مجاهدلرنینگ آرهسیده تنبللیکدن مبرا بولگن و شونینگدیک، جمهورلیک ریاستی سیلاوی اوچون نطق سوزلهگن چاغیده، سابق همقطارلریگه قرشی سوز یوریتگن. بوندهی بیر خاصلیککه قرهگنده، صالح سیاسی اویینلرده حاضرگچه سینلمهگن.
میلادی 2014- ییل، جمهورلیک ریاستی سیلاوینینگ ایکینچی باسقیچیده احمدضیا مسعود، غنینینگ تیرمه جماعهسیگه قوشیلگن چاغیده، اینگ یقین آدملرینینگ رویخطگه آلیندی و ملی بیرلیک حکومت تشکیل ایتیلگنیدن سونگ، جمهور رئیس غنی بیر فرمان صادر قیلیب مسعود گه کوپینچه صلاحیت بیردی و حددن تشقری کوز قراچیغی بولدی. بیراق اونچهلیک زمان اوتمهی غنی و مسعودنینگ آرهسیده قرهمه قرشیلیک تاپیلدی و حاضر امرالله صالح ایسه ملی بیرلیک حکومتنینگ بیرینچی کونلریده احمدضیا مسعود قرار تاپگن ییرده توختهگن.
.jpg)
صالح کیلهجک جمهورلیک ریاستی سیلاوینینگ نامزدی غنینینگ تیرمه جماعهسیگه بیرینچی اورین باسر صفتیده نامزد دیر و دولت تشکیلاتیده هیچ بیر رسمی صلاحیت گه ایگه ایمس، لیکن تینچلیک اوروش خصوصیده بولگن اینگ اونملی ییغینلرده اشتراک قیلهدی. افغانستان تینچلیک لایحهسی بوییچه آمریکا قوشمه ایالتلرینینگ خاص نمایندهسی زلمی خلیلزاد، دوحه ییغینی توغریسیده گزارش بیریش اوچون غنی بیلن اوچرهشدی و بو اوچرهشوو جمهورلیک ریاستیده اوتکزیلدی؛ اوشبو اوچرهشوودن ترقهتیلگن صورتلرده امرالله صالح دولت بلند مرتبهلی رسمیلرینینگ آرهسیده کورینهدی و عین حالده، جمهور رئیس غنینینگ بیرینچی اورین باسری جنرال عبدالرشید دوستم بوندهی ییغینلرده کورینمهیدی و شونینگدیک، غنی بیل جنوبی آسیا بوییچه آمریکا تشقی ایشلر وزیرلیگی اورین باسرینینگ اوچرهشوویدن ترقهلگن صورتلرده دولت ییریک رسمیلرینینگ آرهسیده صالح کورینهدی. کورینیشیچه، غنی قانون گه پایدارلیگی خصوصیده، بیرگن شعارلری و ادعالریگه قرشی حاضردن جنرال دوستمنینگ اورنی گه امرالله صالح نینگ یانیده آلگن.
سیاسی اویینلرگه قرهگنده و سیاست بابیده اورین آلگن یالغان و ریاگه دقت قیلینگن حالده، هوش و ذکاوتلی سیاستچی هردایم همقطارلرینینگ حرکتی گه شبه بیلن قرهب و احتیاط بیلن بیرلشیکلرینی نظرگه آلهدی؛ بیراق غنی عادتاً ینگی قوشیلگنلرنی نوازش بیرهدی و بوندهی بیر حرکت سیاستچینینگ شعورینی سلب قیلهدی. بوندهی بیر حرکت غنی گه کوپلب منفعت ییتکیزگن و غنینینگ بو سیاستی ملی بیرلیک حکومتینینگ کمیده 5 ییللیک حاکمیتی جریانیده کوپلب قربانلیک بیرگن و قربان بولگنلر هر تاماندن ایشانچ قولگه کیریتگنده، مدافعه تدبیرینی ایسدن چیقارهدی و قرهمه قرشیلیک آره گه کیلگن صورتده، قولیلیک بیلن صحنهدن کوتریلهدی.
حنیف اتمر، اکلیل حکیمی، احمدضیا مسعود، سید منصور نادری و باشقهلر شوندهی بیر سیاست قربانی بولگنلر و سونگی جماعت اوتمیشده غنینینگ یقین نازدانهلریدن ایدی، بیراق بوندهی بیر وضعیتده عقلینی قولدن بیرمهگنلر سهم ایگهسی بولگن.
افغانستانده دوام ایتیب کیلهیاتگن مسئلهلرگه قرهگنده، امرالله صالح گه حد دن تشقری بها بیریش اصلیده غنینینگ رقیبلرینی یارهسیگه توز تشلهماق دیک کورینهدی و رقیبلرگه ینگی تنقید تاپیش پیامینی ییتکیزهدی. بیراق امرالله صالح نینگ بو نازدانهلیگی قچانگچه دوام ایتهدی بونگه زمان جواب بیرهدی.
