.jpg)
افغانستان بوییچه جمهورلیک ریاست سیلاوی یولگه قوییلگنیدن کمیده ایکی آی اوتماقده و سیلاو کمیسیونی حاضرگهقدر، 6- میزان جنجللی سیلاونینگ کور توگینینی ییچه آلمهگن. دولت قورووچی سیلاو تیمی و برقرارلیک و یقینلیک سیلاو تیمی جمهورلیک ریاست سیلاوی نینگ پیشتاز تیملریدن سنلهدی و ایکاوی بیر-بیراوی نینگ ساختهکارلیک و سیلاو ایشلریده ارهلشیشگه عیبلیدی و عین دمده، ایکاوی هم یوتوقلیک ادعا قیلیشهدی.
دولت قورووچی تیمی نینگ فکری گه کوره، سیلاو ایرکین کمیسیونی توغری یولده بولگن و رقیب تامان سیلاو کمیسیونی تامانیدن نتیجه اعلان قیلینیشینی کوتیشی کیرهک. بیراق، برقرارلیک و یقینلیک سیلاو تیمی، آوازلر قیته سنهلیشی باشلهنیشی گه عکسالعمل بیلدیریب و نظارتچیلرینی نظارت جریانیدن چقیردی. مذکور تیم نینگ فکری گه کوره، سیلاو ایرکین کمیسیونی نینگ حرکتلری قانون گه قرشی و دولت قورووچی تیمی نینگ نفعی گه دیر.
شوندهی بیرحالده، برقرارلیک و یقینلیک سیلاو تیمیدن بیر منبع نینگ ایتیشیچه، برقرارلیک و یقینلیک سیلاو تیمی نینگ صبری توگنگن و سیلاو کمیسیونی اولرنینگ «قانونی» ایستهگی گه تن بیرمهیدی. منبع نینگ کوپهیتیریشیچه، حاضر برقرارلیک و یقینلیک سیلاو تیمی کابل و مملکت نینگ باشقه بیرقطار ولایتلریده ناراضیلیک بیر نمایش اوچون تیاگرلیک آلماقده. منبع ایسه، ناراضیلیک یولگه قوییلیش زمانینی بیللی قیلمهگن.
برقرارلیک و یقینلیک سیلاو تیمی نینگ ییریک اعضالریدن بیری فضلاحمد معنوی، ناراضیلیک بیریش نمایش یولگه قوییلیشی خصوصیده، بولهدیگن سعی و حرکتلرنی قسمی شکلده تصدیقلیدی. جناب معنوی نینگ ایتیشیچه، برقرارلیک و یقینلیک سیلاو تیمی بیلن باشقه نامزدلرنینگ آرهسیده قوشمه بیر فکرگه ایریشیش اوچون مذاکره دوام ایتماقده. معنوی، گلبدین حکمتیار بیلن داکتر عبدالله عبدالله نینگ سونگی اوچرهشووینی قوشمه بیر حرکت اوچون مذاکره دوامی دیگن.
برقرارلیک و یقینلیک سیلاو تیمی نینگ اوشبو اعضاسی گه کوره، کیلهجک حرکتلر قانون اساسیده، عمل گه آشیریلهدی و اولر یشاوچیلرنی اذیب قیلهدیگن جهازلرگه زمینه یرهتیلمهسی خصوصیده، سعی و حرکت قیلهدی.
عین دمده، برقرارلیک و یقینلیک سیلاو تیمی گه طرفدار کیشیلر تخار، بدخشان، بغلان، جوزجان، سرپل، فاریاب و پنجشیر ولایتلریده آوازلر قیته سنهلیش جریانی گه توسیق بولیشگن. مذکور ولایتلردن سلاموطندارنینگ خبرچیلری تامانیدن بیریلگن گزارشلر اساسیده، مملکت نینگ 7 ولایتیده سیلاو کمیسیونی نینگ ولایتی دفترلری باغلهنیشی خصوصیده، محلی قومندانلر و قوم بویوکلری اساسی رول اوینهشگن. ولایتلردن بیرقطاریده سلاموطندارنینگ خبرچیلری تامانیدن بیریلگن گزارشلرگه کوره، گلبدین حکمتیارگه طرفدار کیشیلر برقرارلیک و یقینلیک سیلاو تیمی نینگ طرفدارلری گه یاردم بیریشگن.
بحران هستهسی
دولت قوروچی سیلاو تیمی نینگ بیرینچی اورینباسری امرالله صالح فیسبوک صحیفهسیده «ثبوت اساسیده معلومات» عنوانیده بیر پُست یازیب ادعا قیلیشیچه، یقینلیک و برقرارلیک سیلاو تیمی «قورال بیلن جهازلنگن عقدهلی و یاغی» کیشیلرنینگ جایلشتیریش بیلن ناراضلیک نمایش یولگه قوییش نیتیده دیر. صالح گه کوره، «جرملی حلقهلر» اوز منفعتلری اوچون بوزمهکارلیک قیلهدیلر.
جناب صالح یقینلیک و برقرارلیک سیلاو تیمیدهگی منبعلر اساسیده یازیشیچه: «داکتر عبدالله بیر سیس چیقارسین و بس. بو شهرده عقدهلی و یاغی کم ایمس. اهالی حرکت قیلهدی. هوا ساووق دیر و ناراضلیک نمایش کتتهلیگی نی بیلگنده اوز آذیق-آوقت لرینی تاپیشلری ممکن.
جناب صالح باشقه بیر فیسبوکی پُست ده یقینلیک و برقرارلیک سیلاو تیمیدهگی لردن قطارینی «بحران هستهسی» صفتیده تانیشتیریب و اولرنینگ تعصب و قومگرالیک که عیبلهیدی.
جناب صالح نینگ پُستی نی ایریم بولیمیده کیلیشیچه: «بحران هستهلریدن بیری هزاره قوملر ناراضلیک نمایش گه کمراق اشتراک قیلشی خصوصیده سورهیدی. باش قیینچلیک جواب بیرهدی کیم اشتراک قیلیش و قیلمهیشلری باشقچه بیر سوز، بیراق هزاره نینگ حقی بورونی گه قدر دیر. خدا بورون ترقهتیش جریانیده هزارهلرگه نوبت کیلگنده اولرگه کیچیک بورون بیریب ایتدی کیم یورهگینگ آلسنگ یا-ده بورونسیز قالهسن؛ برچه کولهدی.» صالح نینگ کوپهیتیریشیچه، عدلی نهادلر ایستهگن صورتده، او «تبعیضلی سوزلشوو» نی اولرنینگ اختیاریگه قویهدی.
دولت قوروچی سیلاو تیمی نینگ ییریک اعضالریدن بیری داوود سلطانزوی مدنی ناراضلیک نمایش اهالی نینگ حقی دیب کوپهیتیریشیچه، یقینلیک و برقرارلیک سیلاو تیمی نینگ اقداملری بحران چیقیشی گه سبب بولیشی ممکن. اونگه کوره، اهالی امنیتی کوچلرنینگ یانیده توریب بحران و بوزمهکارلیک نینگ آلدینی آلهدیلر.
یقینلیک و برقرارلیک سیلاو تیمی اعضاسی فضلاحمد معنوینی جناب صالح نینگ صحبتلریگه قرشی ایتیشیچه، دولت قورووچی سیلاو تیمی نینگ بیرینچی اورین باسرینی صحبتلری اولرنینگ منفعتیگه یکونلنگن. بیراق یقینلیک و برقرارلیک سیلاو تیمی نینگ ارشد اعضالریدن باشقه بیری محمدمحقق، جناب صالحنی «ایکیتهلیک پشه» عنوان قیلگن. محقق نینگ دولت قورووچی سیلاو تیمی اورین باسریگه قرشی یازیشیچه، «تابوت قورووچی تیم نینگ بویوکلریدن بیرقطاری هزارهلرنینگ بورونیگه یاپیشگن.»
نیمه اوچون تارتیشوو؟
یقینلیک و برقرارلیک سیلاو تیمی نینگ ادعا قیلیشیچه، سیلاو ایرکین کمیسیونی زماندن تشقری استعمال ایتیلگن 10212 آواز خصوصیده تخنیکی دلیل ارایه قیلگن، بیراق حقوقی لحاظ دن دلیلی یوق دیر و بیکار قیلینیشی کیرهک. شونینگدیک، 137630 آوازنی، آوازلر قیته سنهلیشی باشلنمهسدن آلدین اجرهتیلیشی کیرهک ایدی، ایتیلمهگن.
سیلاو ایرکین کمیسیونی 16 عقربده 8 مینگدن آرتیق محل نینگ آوازلرینی قیتهدن سنهلیشی خصوصیده قرار قیلدی، بیراق جمهورلیک ریاستی نامزدلریدن بیرقطاری نینگ ناراضلیکلری سبب، اوشبو لایحه 22 عقربده سیلاو ایرکین کمیسیونی تامانیدن توختهتیلدی. ناراضچیلر بیلن کیلیشوو اوچون سیلاو ایرکین کمیسیونی نینگ سعی و حرکتی نتیجه بیرمهدی و اوشبو لایحه 4 کون توختهتیلگنیدن سونگ، قیتهدن باشلنهدی.
سیلاو ایرکین کمیسیونی نینگ باشلیغی حوا علم نورستانی، ملی مدافعه وزیرلیگیده «تینچلیک و خوفسزلیک» نامیده یولگه قوییلگن ییغینده، حکومتدن 7 ولایتده آوازلرنینگ قیته سنهلیشی اوچون اولرگه یاردم بیریشینی سورهگن. خانم نورستانی، مملکت 7 ولایتیده آوازلرنینگ قیته سنهلیشی جریانیده زوروانلیک یوز بیریشیدن خواطر بیلدیرگن. اونینگ ایتیشیچه، حکومت نینگ سیلاو ایرکین کمیسیونیگه یاردم بیریشی کیرهک.
افغانستان بوییچه ایرکین و عدالتلی سیلاو بنیادی یا-ده فیفا باشلیغی یوسف رشید نینگ ایتیشیچه، افغانستان سیلاوی حاضرگهقدر بحران تامان کیتمهگن و کنترلدن چیقمهیشی اوچون سعی و حرکت قیلیش کیرهک. جناب رشدگه کوره، سیلاو ایرکین کمیسیونی ناراضچیلرنینگ اعتراضینی درک قیلمهیدی و ناراضچیلرنینگ هم بحراندن چیقیش اوچون حل یولی یوق دیر. اونینگ کوپهیتیریشیچه، بحراندن چیقیش اوچون تخنیکی و حقوقی دعوا یرهتیلیشی کیرهک و کمیسیون نینگ نظارتچیلر حضوریده اوز ایشیگه دوام بیریشی لازم.
شو توغریده…
