.jpg)
اسلامی دولتلر رهبرلری اشتراکیده سعودیه عربستانیده ایکّی کونلیک کنفرانس بولیب اوتدی. کنفرانسده اساسن ترورچیلیک همده افراطیت مسالهسی محاکمه بولگن. ییغینده اسلام دنیاسی نینگ کمیده 54 مملکتی نمایندهسی قتنشگن ایدی.
ساحه نینگ متخصصلری ییغینده ایران دولتی اشتراک قیلمهگنلیگی کنفرانس قرارلریگه سلبی تاثیر تشلهیدی دیدیلر.
سلاموطندارگه صحبت بیرگن سیاسی تحلیلچی توفان وزیریگه کوره، ایران روسیه حمایتینی کسب قیلگنلیگی یانیده منطقه دولتلری اینیقسه شیعه مذهبلیلر اوچون هم اوزیگه خاص ارزشگه ایگه.
ایران سونگی وقتلرده امنیتی واقتصادی لحاظدن بیر آز یخشی لشگن دیدی متخصصلر. اما، ریاض ییغینی اوچون ایران چقیریلمهگن لیگی کنفرانس یوتوقلریگه سلبی تاثیر قالدیریشی ایتیلهدی.
بو ییغیننی مهم دیگن باشقه بیر سیاسی تحلیلچی فیضالله جلال، اوشبو ییغین یقین شرق همده قطار اسلام مملکتلریده اوروش جریانی دوام ایته یاتگن بیر پیتده اوتکزیلماقده دیدی.
.jpg)
جناب جلال، ییغینده اشتراک قیلگن امریکا قوشمه ایالتلرینینگ جمهور رییسی دونالد ترامپ داعش و باشقه جنگری گروهلر نابود ایتیلیشی بارهسیده ینه بیر بار تاکید قیلگن؛ اما، بو ییغینده ایران دولتی اشتراک قیلهگنلیگی نینگ سلبی تاثیر بار و ییغین نتیجهسینی سوال آستی قیلهدی دیگن.
باشقه بیر تحلیلچی جمالالدین بدر، ایران و سعودی عربستانی اورتهسیدهگی قرمه قرشیلیک اسلام دنیاسی اوچون کته مصیبت دیدی. اونینگ تعبریچه، ایران بعضی مملکتلرنینگ ایچکی ایشلریگه ارهلشهدی و عربستان هم منطقهده موقفینی کوچلنتیریش اوچون سعی حرکت قیلهدی.
اوشبو سیاسی تحلیلچی اسلام دنیاسیگه مهم رولی بولگن سعودیه عربستانی موجود بولگن حالده ایران بوندهی ییغینلردن یوتوق قولگه کیریته آلمهیدی دیگن.
اسلامی دولتلر ییغینی شنبه و یکشنبه کونی سعودیه عربستانی پایتختی ریاضده اوتکزیلدی. ییغینده اقش جمهور رییسی دونالد ترامپ و مملکت جهور رییسی محمد اشرف غنی قتنشگن ایدی.
