بوگون "شنبه" نمایندهلر کینگشی اعضالری 45 کونلیک تعطیلدن سونگ قیتهدن ایشگه باشلهدیلر.
نمایندهلرکینگشی اعضالری، مملکت امنیتی وضعیتینی تیکشیریب و قطار وکیللر دشتبرچیگه یوز بیرگن خودکش هجومنی قرهلب و حکومتنینگ اوشبو واقعهگه مسوول بیلگنلر.
نمایندهلرکینگشی اعضالریدن بیری غلامحسین ناصرینینگ ایتیشیچه، یشاوچیلر خوفسیزلیگینی تامینلش حکومتنینگ وظیفهسی دیر، انهشو سبب شونینگدیک واقعهلر یوز بیریشیگه حکومت مسوول دیر.
عینحالده، نمایندهلرکینگشینینگ قطار اعضالری، امنیتی نهادلر مسووللریدن تنقید قیلیب و اولرنینگ استیضاح ایتیلیشینی سورهگنلر.
نمایندهلرکینگشی اعضالریدن ایکی تهسی عبدالرحیم ایوبی و نظیفه ذکینینگ ایتیشیچه، امنیتی نهادلر مسووللرینینگ استیضاح ایتیلیشی کیرهک و قانقرلی جواب قیترمهگن صورتده اعتمادلرینینگ آلینیشی لازم.
عینحالده، نمایندهلر کینگشی باشلیغی عبدالرووف ابراهیمی، نمایندهلر کینگشینینگ ایچکی امنیت و دفاعی کمیسیونیگه امنیتی نهادلر مسووللرینی اخیرگی قانلی واقعهلر خصوصیده معلومات بیریش اوچون اوشبو کمیسیونگه چقیریش دستورینی بیرگن.
اوتکن هفته "چهارشنبه" آقشام کابل شهری دشتبرچی بولیمینینگ قلعهناظر منطقهسیده بیر گورهش اویین کلوبیگه خودکش هجوم یوز بیریب نتیجهده قطار یشاوچیلر اولیب و یرهلنگنلر؛ بیراق بیرینچی هجومدن بیر ساعت اوتکن دن سونگ اوشبو کلوب ییقنیده بیر موترگه ییرلشتیریلگن ماین پارتلهتیلگن.
مذکور واقعهلر نیتجهسیده بیر تصویر بردار و بیر ژورنالیست شامل 26 کیشی هلاک و باشقه اونلرچه کیشی یرهلنگنلر.
