برقی کیملیکلرنی ترقهتیش خصوصیده کوپینچه قرشیلیکلر بولگن بیرحالده هم، اوشبو لایحه کابل ده دوام ایتیب کیلماقده.
جمعیتنی رویخطکه آلیش اداره سوزلاوچیسی روحالله احمدزینینگ سلاموطندارگه ایتیشیچه، حاضرگهقدر کمیده 40 مینگ کیشی برقی کیملیک آلگن و تقاضاچیلر سانی کوپ بولگنی سبب، ییقین کونلرده کابلده ایکی برقی کیملیک ترقهتیش مرکزنینگ آچیلیشی ممکن. بوندن آلدن کارته چهار و وزیراکبرخانه گه برقی کیملیک ترقهتیش ایکی مرکز فعال ایدی.
جمعیتنی رویخطکه آلیش اداره سوزلاوچیسیگه کوره، برقی کیملیکلر 4 مرحلهگه ترقهتیلهدی، انهشو سبب 6 آی گهقدر کابل گه تکمیل ایتیلیشی ممکن. اونینگ ایتیشیچه، جمعیتنی رویخطکه آلیش اداره حاضرگهقدر 1500 کیملیکنی چاپ و تقاضاچی لرگه ترقهتگن.
«افغان» سوزینینگ برقی کیملیکلرگه درج ایتیلیشی اوشبو لایحهگه قرشی تارتشولرنی اورتهگه چیقارگن موضوع دیر.
برقی کیملیکلرده «افغان» سوزینینگ درچ ایتیلیشیگه، اولکه ولایت لریدن بیرقطارینینگ یشاوچیلری قرشیلیگی چگهسیده ملی بیرلیک حکومتینینگ اجراییه باشلیغی داکتر عبدالله عبدالله هم قرشی کیلگن، و اونینگ باشقه تامانیده مملکت جمهور باشلیغی اشرف غنی قرار تاپگن.
ملی بیرلیک حکومتی اجراییه ریاستینینگ سوزلاوچیسی مجیبالرحمن رحیمینینگ سلاموطندارگه ایتیشیچه، اجراییه ریاستی سابق قراری آرقهسیگه دیر و اوشبو لایحهنینگ توختهتیلیب قویلیشی نی ایستهیدی،
عینحالده جمهورلیک ریاستی سوزلاوچیلیک دفترینینگ اورین باسری شاهحسین مرتضوینینگ ایتیشیچه، برقی کیملیکلرنی ترقهتیش لایحه رسمی صورت ده جمهور باشلیغ تامانیدن باشلنگن و اونینگ کینگیتیریشی جمعیت نی رویخطکه آلیش ادارهنینگ ایشی دیر.
