افغانستان ملی بیرلیک حکومتی نینگ تشقی ایشلر وزیرلیگی نی سرپرستی صلاح الدین ربانی وظیفهسیدن استعفا بیردی.
جناب ربانی اوز استعفا نامهسیده مملکت جمهور رئیسی اشرف غنی گه خطاب یازیشیچه، بیش ییل جریانیده افغانستان تشقی ایشلر وزیری صفتیده کوپینچه موضوعلر و حکومت نینگ اساسی ادارهلری نظرگه آلینمهی چیت گه اوریلگنی گه گواه بولیب کیلگن و شو یوزهدن بو حکومتده ایشی نینگ دوامی نی صلاح کورمهی استعفا بیرهدی.
صلاح الدین ربانی نینگ استعفانامهسینی باشقه بیر قسمتیده کیلیشیچه، کمیده بیش ییل بوتون بو وضعیت نی اهالی و جماعه برابریده بیرگن سوزی، توزوم سقلهنیشی، مملکت و جماعه تیزیمی برهم اوریلمهسی اوچون تحمل قیلگن و کوپینچه قیینچیلیکلرنی قبول قیلیب افغانستان اسلامی جمهوریتی نینگ تشقی سیاستی نی اجرایی مسؤولی صفتیده، خلقارا توزومی بوییچه ملی منفعتلر تأمینلنیشی و مدافعه قیلینیشی اوچون ایش قیلگن.
استعفانامه نینگ دوامیده ایتیلیشیچه، حاضر ملی بیرلیک حکومتی نینگ ایش دورهسی یکونلنگن و حاضرگی شرایط ده هر نرسهدن کوره، بیرلیک و بیردملیک کیرهک. دولتی ادارهلر تورلی شکلده دولت قوریش ادعاسینی قیلگن کیشیلر تامانیدن بوزیلیشی، قانون گه ضد و قبول قیلینمس دیر. شو یوزهدن بوندهی بیر شرایط ده حکومت تشکیلاتیده ایش گه دوام بیریشنی صلاح کورمهیدی و استعفاسینی تقدیم ایتیب و سیاسی فعالیتلر یولیدن مملکت و اهالی خذمتیده بولهدی.
