افغانستان ملی امنیت باشلیغی رحمتالله نبیل، کابل- اسلامآباد ملی خوفسیزلیک ادارهسی اورتهسیدهگی کیلیشوو بیش باسقیچدن اوتکزیلگنیدن سونگ قبول بولهدی دیگن.
مملکت ملی امنیت باشلیغی بیر اعلامیه آرقهلی قوییدهگی بیش باسقیچنی معلوم قیلگن.
بیرینچی باسقیچده مذکور کیلیشوو صلاحیتلری و قانونی جمهور رییس آرقهلی تصدیقلهنیشی.
ایکینچی باسقیچده بو کیلیشوو متنی حکومتنینگ اجراییه ریاستی، تشقی ایشلر وزیرلیگی، ملی خوفسیزلیک کینگشی و ملی امنیت عمومی ریاستی تامانیدن تیارلهنیشی دیر. اوچینچی باسقیچ، ملی خوفسیزیلیک کینگشینینگ مذکور کیلیشوو مسودهسی بارهسیده معلومات بیریشیدن عبارت. تورتینچی باسقیچده، بو کیلیشوو ملی امنیت کینگشی تامانیدن تیکشیریلیب، سیاستچیلر، جهادی رهبرلر و نماینده لر آرقهلی تصدیقلهنیب پاکستان تامانیگه بیریلهدی.
عین حالده، بیرقطار سیاستچی کیشیلر بو کیلیشوو بیکار ایتیلیشی اوستیده تاکیدلب کیلهدیلر. مذکور شخصلر بوکیلیشوو بیش باسقیچدن اوتگندن کیین هم قبول بولمسلییگینی ایتهدیلر.
بیرقطار نماینده لر، کابل- اسلامآباد استخباراتی ادارهسی اورتهسیدهگی کیلیشوونی تن آلمسدن رد قیلیشلرینی ایتهدیلر.
3- جوزا ، مملکت ملی امنیت کینگشی مصلحتچیسی حنیف اتمر و ملی امنیت باشلیغی رحمتالله نبیل، کابل- اسلامآباد ارا قول قوییلگن کیلیشوو توغریسیده معلومات بیریش اوچون پارلمانگه چقیریلگن ایدی.
مجلسنینگ امنیت کینگشی مصلحتچیسی و رحمتالله نبیل اشتراکیده یاپیق ایشیکلر آرتیده اوتکزیلگن.
مجلس اداغیده، نمایندهلر کینگشی ایچکی امنیت کمیسیونینینگ اورین باسری عبدالحی آخندزاده جناب نبیلگه اساسلب ایتیشیچه، حاضرگچه بو کیلیشووگه قول قوییلمهگن.
اونگه کوره، ایکّی تامان کیلیشگن صورتده، بو کیلیشوو افغانستان جمهور رییسی و پاکستان باش وزیری آرقهلی قول قوییلیشی ممکن.
اوشبو شرطنامه لایحهسی شونینگدیک سنامجلسیده هم تنقیدلرگه دوچ کیلدی، مذکور مجلس اعضالری بوکیلیشووگه قرشیلیک کورسهتیب، بوندهی بیر کیلیشووگه قول قوییلیشنی ایستهمسلیکلرینی ایتگنلر.
سنامجلسی باشلیغی فضلهادی مسلمیار، بو کیلیشووگه قول قوییلیشنی تن آلمیدی. او، بو توغریده جمهور رییس بیلن صحبتلهشینی تیلگه آلگن.
یقینده افغانستان حکومتی پاکستان استخبارات ادارهسی بیلن همکارلیکلر کیلیشووی مقدمه سیگه قول قویگن. مذکور کیلیشووگه اساسن ایکّی مملکت جاسوسلیک ادارهسی ارا معلوماتلرنی المشتیریش و ترورچی گروهلرگه قرشی کورهشیش آلیب باریلهدی.
افغانستان سابق جمهور رییسی حامدکرزی، مملکت سابق ملی امنیت باشلیغلری امرالله صالح و اسدالله خالد، بو کیلیشووگه قول قوییلیشینی شرملی بیلگنلر.
کابل- اسلامآباد ارا قول قوییلگن کیلیشوو ملی امنیت باشلیغی و ملی امنیت کینگشی مصلحتچیسی اورتهسیده لفظی تارتیشوولرگه سبب بولگنی ایتیلهدی.
مذکور کیلیشووگه اساس، ایکّی مملکت جاسوسلیک ادارهسی معلوماتلرنی المشتیریشدن تشقری ترورچیلیککه قرشی کورهشیلهدی.
