افغانستان تینچلیک لایحهسی بوییچه آمریکا تشقی ایشلر وزیرلیگینی خاص نمایندهسی زلمی خلیلزاد، اوتگن کیچه خاص بیر ییغینده طالبان بیلن اوتکزگن 9 دور تینچلیک سوزلشوولری توغریسیده آمریکا کانگرهسی نینگ تشقی علاقهلر کمیتهسی گه گزارش بیردی.
آمریکا کانگرهسی بیلن جناب خلیلزادنینگ ییغینینی معلوماتی حاضرگهقدر میدیاگه چیقمهگن، لیکن اوتگن کیچه ییغینده حضوری بولگن آمریکا تشقی ایشلر وزیرلیگی نینگ دیپلوماتلریدن بیرقطاری، جملهدن مرکزی و جنوبی آسیا ایشلری بوییچه مذکور مملکت نینگ تشقی ایشلر وزیرلیگی نی اورین باسری الیس ویلز، طالبان بیلن آمریکا سوزلشوولری توغریسیده بولگن سوراقلردن بیرقطاری گه جواب بیرگن.
خانم ویلزنینگ ایتیشیچه، حاضرگی افغانستان اوتمیش گه قرهگنده فرقلی بولگن و طالبان هم قیلگن خطالریدن بیرقطارینی تَن آلگن.
مرکزی و جنوبی آسیا ایشلری بوییچه آمریکا تشقی ایشلر وزیرلیگی نینگ اورین باسری نی اورغولشیچه، افغانستانده دوام ایتیب کیلگن 18 ییل اوروش دن کیین هم بو مملکت دهگی عصیانچی گروهلر حاضرگهقدر آمریکا خوفسیزلیگی اوچون تهدید بیلینهدی.
آمریکا جمهور رئیسی دونالد ترامپ، کمیده ایکی هفته آلدین، طالبان گروهی نینگ سونگی هجوملریدن بیری نتیجهسیده آمریکاییلیک بیر عسکر هلاک ایتیلگنی باعث، مذکور گروه بیلن بولگن سوزلشوولرنی توختهتیب قویدی.
جناب ترامپ نینگ ایتیشیچه، طالبان گروهی تینچلیک سوزلشوولری جریانیده آتیشکیسین توغریسیده کیلیشمهگن صورتده، مذاکره هیچ بیر نتیجه بیرمهیدی.
طالبان بیلن آمریکانینگ تینچلیک سوزلشوولری بیکار قیلینگنیدن سونگ، طالبان گروهی بیر خبرنامهده ایتیشیچه، سوزلشوولر بیکار قیلینیشی آمریکانینگ زیانی گه دیر.
بوندن آلدین، افغانستان تینچلیک لایحهسی بوییچه آمریکا تشقی ایشلر وزیرلیگینی خاص نمایندهسی زلمی خلیلزادنینگ ایتیشیچه، طالبان رهبرلری بیلن اوتکزگن 9 دور تینچلیک سوزلشوولریده پرنسیپ نقطهی نظردن کیلیشیب آلینگن.
شو توغریده…
آمریکا جمهور رئیسی: طالبان بیلن سوزلشوو ممکن ایمس
