کابل امنیتی خلق ارا کنفرانسی 25 دولت نینگ نمایندهسی اشتراکی بیلن سونگی کونلرده کابل و لندن هجومیده قربان بولگنلر احترامی اوچون بیر دقیقهلیک سکوتدن کیین باشلندی.
جمهور رییس نینگ بو ییغینده ایتیشیچه، افغانستان دنیا دولتلرینینگ نمایندهلیگی 20 ترورچی گروه بیلن مبارزه قیلهدی و دنیا ایسه افغانستانگه همکارلیک قیلیش بیلن خلق ارا ترورچیلیککه پایان بیریشی کیرهک.
ییغینده گپیرگن جمهور رییس غنی، رسمی کابل نینگ اسلام آباددن ایستهگی تینچلیک دیر و اسلام آباد نینگ کابلدن ایستهگی نیمه لیگی هنوز معلوم ایمس دیدی.
ترورچیلیککه قرشی کورهشده همکارلیک قیلیش ییغین نینگ اصلی موضوعلریدن بولگن.
بو خلق ارا ییغینده افغانستانگه قوشنی دولتلر نمایندهلریدن علاوه امریکا، سعودیه عربستانی، هند، جاپان، بریتانیا، روسیه، قطر، ترکیه، آلمان، فرانسه و چین دولتلری نینگ وکیللری اشتراک قیلگن ایدی.
بو ییغینده افغانستان تشقی ایشلر وزیری صلاحالدین ربانی همده اسلامی جمعیت حزبی نینگ نمایندهلری قتنشمهگن ایدی.
عین حالده، کابل اخیرگی کونلرده قانلی واقعهلر گواهی بولگندی.
اوتگن هفته چهارشنبه کونی کابل نینگ زنبق تورت یولیده سوو تانکریگه تولدیریگن پارتلاووچی ماده انفجار ایتیلیشی، جمعه کون ناراضیلیک نمایش اوتکزگنلرگه قرشی ملی کوچلرنینگ اوق اوزیشی و نهایتده سنا مجلسی نینگ بیرینچی اورین باسری علم ایزدیارنینگ اوغلی سالم ایزدیارنینگ دفن مراسیمیده صادر ایتیلگن خودکش هجوم مملکت وضعیتی اینیقسه پایتخت حربی توس آلیشیگه سبب بولدی.
بو مسالهلر آرتیدن اوتگن کون اسلامی جمعیت حزبی نینگ رییسی خبری بیر ییغین اوتکزیب جمهور رییس غنیدن ملی خوفسیزلیک ایشلری بوییچه مصلحتچیسی حنیف اتمر ایشدن آلینیشینی سورهدی.
