افغانستان تشقی ایشلر وزیرلیگی، مملکتده طالبلر بیلن اوتکزیلهجک تینچلیک مذاکرهلری اوچون پاکستان همکارلیک قیلیشی بارهسیده خبر بیرماقده.
تشقی ایشلر وزیرلیگینینگ سوزلاوچیسی شکیب مستغنی، سهشنبه کونی اوتکزگن بیر خبری ییغینده، پاکستان رسمیلری افغانستان دولت بلند مرتبهلی مسؤوللری بیلن اوتکزگن اوچرهشووده پاکستان تینچلیک مذاکرهلر اوچون همکارلیک قیلیشدن ینه بیر بار سوز بیرگنلیگینی ایتگن.
مستغنی، شونینگدیک پاکستان دولتی افغانستانلیک طالبلرنی آگاهلنتیریب، قوراللی طالبلر افغانستانده اوز فعالیتلریگه پایان بیرمهگن حالده، افغانستان و پاکستان ملی کوچلری آرقهلی جدی تهدیدلرگه روپهره بولیب نابود ایتیلهدی دیگن.
تشقی ایشلر وزیرلیگینینگ سیاسی اورین باسری حکمت خلیل کرزی بوندن ایکّی کون آلدین افغانستانلیک هیات رهبرلیگیده استانبول لایحهسینینگ آسیا یورهگی ییغینده قیلیش اوچون رسمی اسلامآبادگه سفر قیلگن ایدی.
پاکستانده؛ افغانستان، ترکیه و باشقه قطار مملکتلرنینگ اشتراکیده اوتکزیلگن استانبول لایحهسی آسیا یورهگی ییغینیده افغانستاننینگ حاضرگی خوفسیزلیک مسالهسی اقتصادی وضعیتی اوستیده هر تامانلمه بحث آلیب باریلگنلیگی ایتیلهدی.
تشقی ایشلر وزیرلیگینینگ سوزلاووچیسی جناب مستغنی، پاکستان حکومتینینگ طالبلرنی آگاهلنتیرگنلیگی مذکورمملکتنی افغانستانگه کورستگن همکارلیگینی بیر قسمی دیگن.
پاکستان باش وزیرینینگ ملی امنیت و تشقی ایشلر بوییچه مصلحتچیسی سرتاجعزیز، استانبول لایحهسینینگ آسیا یورهگی اولتیریشده افغانستانگه بیرگن وعدهسیدن تشقری افغانستاننینگ دشمنی پاکستان دشمنی ایکنلیگی بارهسیده علیحده تاکیدلهگن.
شونینگدیک جناب عزیزینینگ مذکور ییغینده ایتیشیچه، افغانستان و پاکستان ینگی باسقیچده تورگن، بو مملکتلر علاقهسی مستحکملهنیشی اوچون جدی سعی حرکتلر لازم.
سیاسی ایش بیلرمانلرنینگ کابل- اسلامآباد علاقهسی توغریسیده ایتیشیچه، اوتکن 13 ییلده افغانستاننینگ تشقی سیاستیده پاکستاننینگ معین اورینی بولمهگن، ینگی باسقیچده افغانستان اوچون پاکستان سیاسیتی قیته تیکلهنیشگه احتیاج بار.
سیاسی ایش بیلرمانلردن بیری فرامرز تمنانینگ ایتیشیچه، اسلامآبادنینگ سیاسی اورنی افغانستان سیاستیگه اوزگرگن و بو اورگریشلر ایجابی نتیجهلر بیلن بیرگه بولیشی ممکن.
جناب تمنا، کابل- اسلامآباد علاقهسی سابقهسیزیخشیلنگن دیگن. ملی بیرلیک حکومتی تشکیل ایتیلگنیدن سونگ ایکی مملکت آرهسیدهگی مدنی، سیاسی و سوداگرلیک علاقهسی ایجابی اوزگرگنی تاکیدلنهدی.
آسیا یورهگی ییغینی اوتکزیلیشیدن مقصد آسیا یورهگی مملکتلری همکارلیگینی جلب قیلیش و برقرارلیکنی دایمی سقلش بولگن.
