قطر باشکنتی دوحه شهریده افغانستان تینچلیک لایحهسی بوییچه آمریکا تشقی ایشلر وزیرلیگی نینگ خاص نمایندهسی زلمی خلیلزاد و طالبان نمایندهلری آرهسیده بولگن تینچلیک سوزلشوولرنی دوامی بار. طالبان گروهیگه ییقین بولگن بیرمنبع نینگ ایتیشیچه، کیلیشوونامه متنی نهایی بولگن و بوگون قالگن جزیاتلر توغریسیده بحث ایتیلگن.
طالبان گروهی نینگ سابق اعضاسی سید اکبرآغا نینگ ایتیشیچه، کیلیشوونامه متنی نهایی بولگن، بیراق حاضرده قطار بولیملر خصوصیده بحثنی دوامی بار. اونینگ ایتیشیچه، کیلیشوونامه متنی بوگون آقشام یا-ده ایرته اعلان ایتیلهدی.
جمهورلیک ریاستی سوزلاوچیسی صدیق صدیقی نینگ ایتیشیچه، دوحه سوزلشوولریدن سونگ، زلمی خلیلزاد کابلگه کیلیب افغانستان حکومتینی سوزلشوولر جزیاتیدن آگاه قیلهدی.
روسیه تشقی ایشلر وزیرلیگی نینگ بیرخبرنامه آرقهلی اعلان قیلیشیچه، اوشبو مملکت تشقی ایشلر وزیری سرگی لاوروف قطر تشقی ایشلر وزیری و باش وزیری نینگ اورین باسری محمدآل ثانی بیلن تلفون آرقهلی افغانستانده تینچلیک لایحهسی خصوصیده صحبت قیلگن.
