افغانستان بوییچه ناتو کوچلری نینگ عمومی قومندانی، جمهور رئیس بیرینچی اورین باسری جنرال دوستم بیلن اوچرهشدی.
بوگون «دوشنبه» کیچ قورون افغانستان بوییچه ناتو کوچلری نینگ عمومی قومندانی اسکات میلر، مملکت ملی مدافعه وزیری اسدالله خالد و 209 شاهین قول اردو قومندانی ولی محمد احمدزی، جوزجان ولایتی نینگ مرکزی شبرغان شهریده افغانستان جمهور رئیسی نینگ بیرینچی اورین باسری جنرال عبدالرشید دوستم بیلن اوچرهشدیلر.
افغانستان بوییچه ناتو کوچلری نینگ عمومی قومندانی اسکات میلر، جوزجان ولایتی نینگ مرکزی شبرغان گه قیلگن سفری و جمهور رئیس بیرینچی اورین باسری جنرال عبدالرشید دوستم بیلن اوچرهشیشدن مقصد، افغانستان تینچلیگی و خوفسیزلیگی خصوصیده بحث قیلیب دیب ایتیشیچه، بوندن کیین مملکت شمالیده افغان خوفسیزلیک کوچلری بیلن کیسکین حمایهوی کوچلر قوشمه شکلده حربی عملیات یولگه قوییشهدی.
تینچلیک و خوفسیزلیک خصوصیده یولگه قوییلگن ییغینده، تامانلر طالبان گروهی بیلن مذاکره باشلهنیشی، آتیشکیسین، اوروش یکونلنیشی و افغانستانده زوروانلیکلر کمهییشی خصوصیده، بحث قیلیشگن.
اوشبو سفرده افغانستان ملی مدافعه وزیرلیگی سرپرستی اسدالله خالدنینگ شمال اهالیسی اینیقسه جوزجان یشاوچیلری گه ایشانچ بیریشیچه، مذکور ولایتده طالبان گروهی قتهغن قیلینیشی اوچون حربی عملیاتلر کینگهیتیریلیشی ممکن.
بیراق، افغانستان جمهور رئیسی نینگ بیرینچی اورین باسری جنرال عبدالرشید دوستم، شمالده خوفسیزلیک وضعیتیدن خواطر بیلدیریب ایتیشیچه، شمالی ولایتلر و قتناو یوللرنینگ خوفسیزلیگی تأمینلنیشی و عصیانچی گروهلر قتهغن قیلینیشی اوچون عملیاتی ریجهلر تیارلنیشی کیرهک.
عین دمده، جناب دوستم نینگ کوپهیتیریشیچه، سیلاو ایرکین کمیسیونی جمهورلیک ریاست سیلاوی نینگ دستلبکی نتیجهسینی طرفسیز شکلده اعلان قیلیب و یشاوچیلرنینگ خواطری گه نقطه قوییشی لازم.
شونینگدیک، بوندن آلدین جمهور رئیس بیرینچی اورین باسری، خوفسیزلیک کوچلریدن سیلاو جنجللریده طرفسیزلیکلرینی سقلب و خلق نینگ عکسالعملی گه روپهره بولمسلرینی سورهگن ایدی.
