افغانستان و آمریکا خوفسیزلیک شرطنامهسیگه قیته تیکلش یا-ده لغو قیلینیشی توغریسیده نمایندهلر کینگشی اعضالریدن بیرقطارینینگ بیاناتی گه قرشی جمهورلیک ریاستی ایکینچی اورین باسری سرور دانش نینگ ایتیشیچه، مذکور شرطنامهگه قیته تیکلنیشی یا-ده لغو ایتیلیشینی ایستهگن کیشیلر مملکتدهگی موجود قیینچیلیکلر، اقتصادی و امنیتی واقعهلردن خبر سیز کورینهدی یا-ده خیال عالمیده حیات کیچیرهدیلر.
دانش گه کوره، مملکتنینگ حاضرگی وضعیتی گه قرهگنده، بو ایش ملی منفعت گه قرشی دیر.
جمهورلیک ریاستی ایکینچی اورین باسرینینگ ایتیشیچه، اساسی قانونینینگ 81- ماده سیگه کوره، نمایندهلر کینگشی اعضالرینینگ آواز بیریش جریانیده ملی منفعتلرنی نظرگه توتیشی کیرهک؛ بیراق قطار وکیللر سیاسی موضوعلر باعث ملی منفعتلر گه دقت قیلمهیدی.
نیچه پیت آلدین نمایندهلر کینگشی اعضالری، امنیتی وضعیتلردن خواطر بیلدیریب، افغانستان و امریکا آرهسیده امنیتی کیلشونامه امضا ایتیلگنیدن سونگ مملکت وضعیتی خواطرلنتروچی بولیب و اوشبو کیلشونامهنینگ قیتهتیکلش و یا-ده لغو ایتیلیشینی سورهگن ایدیلر.
بوندن آلدین هم مملکت سابق جمهور باشلیغی حامد کرزی شامل، قطاری سیاسی و جهادی رهبرلر اوشبو کیلشونامهنینگ قیته تیکلشینی ایستهگن ایدیلر.
عینحالده، ملی بیرلیک حکومتینینگ اجراییه باشلیغی عبدالله عبدالله، اوتگن کونی بیر خبری ییغین آرقهلی مذکور کیلشونامهنینگ قیته تیکلش و یا-ده لغو ایتیلیشینی افغانستان منفعتیگه بیلمهگن ایدی.
