.jpg)
بوگون "یکشنبه" یقینلیک و برقرارلیک سیلاو تیمی رهبری عبدالله عبدالله نینگ کابلده بیر ییغین آرقهلی ایتیشیچه، اوشبو تیم نظارتچیلری آوازلر قیته سنهلیش جریانینی تحریم قیلگن و بو تیم نظارتچیلری نینگ یوقلیگیگه آلینگن قرار قبوللنمهیدی.
جناب عبدالله نینگ «دولت قوروچی» تیمگه اشاره قیلیب ایتیشیچه، اوشبو تیم سیلاو کونیدن آلدین یا-ده کیین استعمال بولگن آوازلر قیته سنهلیشی خصوصیده تاکید قیلهدی، «بیرقطار کیشیلر سیلاو کیچهسی صندوقلرنی تولدیرگن و انهشو سبب، تخنیکی قیینچیلیکنی بهانه قیلهدیلر و آوازلر قیته سنهلیشی خصوصیده تاکید قیلهدیلر.»
جناب عبدالله، سیلاو کمیسیونلریدن قانونگه کوره حرکت قیلیب و آوازلر قیته سنهلیش جریانینی توختهتیشینی سورهگن.
اونینگ ایتیشیچه، سیلاو ایرکین کمیسیونلری اولرنینگ ایستکلریگه دقت قیلمهگن صورتده، جدی حرکتلرگه قول اورهدیلر.
یقینلیک و برقرارلیک سیلاو تیمی رهبری، امنیتی کوچلردن سیاسی شکلده عمل قیلمهیشلرینی طلب قیلگن.
جناب عبدالله نینگ کوپهیتیریشیچه، اهالی آوازلریدن دفاع قیلهدی و هیچقندی کیلیشوونی قبول قیلمهیدی.
اونینگ ایتیشیچه، یقینلیک و برقرارلیک سیلاو تیمی بحرانگه سبب بولمهیدی، «بیراق مملکت بحران تامان کیتگن صورتده، دولت قوروچی سیلاو تیمی مسوول دیر.»
جناب عبدالله نینگ ایتیشیچه، 2014- میلادی ییلده ملی منفعتنی نظرگه آلیب عمومی مصلحتنی قبول قیلگن، بیراق اهالی زیانینی تجربه قیلدی و بو مرته مذکور حرکت تکرار بولمهیدی.
یقینلیک و برقرارلیک سیلاو تیمی نینگ اوشبو ییغینی بوگون "یکشنبه" کابلده جایلشگن قورولتایی خیمهسیده یولگه قوییلگن ایدی.
آوازلر قیته سنهش جریانینی اوتگن هفته "سهشنبه" کونی سیلاو ایرکین کمیسیونی تامانیدن باشلهدی.
بیراق، یقینلیک و برقرارلیک سیلاو تیمی نینگ ایتیشیچه، آوازلر قیته سنهش جریانی باشلنمسدن آلدین اعتبارلی آوازلرنینگ میزانی بیللی ایتیلیشی کیرهک.
عینحالده، محمداشرف غنی رهبرلیگیگه بولگن دولت قوروچی سیلاو تیمیگه کوره، آوازلر قیته سنهش جریانی نینگ توختهتیلیشی، اولر تامانیدن قبوللنمهیدی.
