طالبان؛ افغانستان تروریست‌لرنینگ اویه‌سیگه اوزگرمه‌یدی

قطرنینگ دوحه شهریده یولگه قوییلگن تینچلیک سوزلشوولرینی بیشینچی دوری افغانستان تینچلیک لایحه‌سی بوییچه آمریکانینگ خاص نماینده‌سی زلمی خلیلزاد و طالبان گروهی‌نینگ سیاسی اورین باسری ملا عبدالغنی برادرنینگ حضوریده نیچه کوندن بویان سِرلی شکلده دوام ایتماقده و حاضرگچه اوشبو سوزلشوولر خصوصیده بولگن معلومات رسمی شکلده اعلان قیلینمه‌گن.

ترقه‌تیلگن گزارشلر اساسیده، دوحه ییغینیده‌گی سوزلشوولر ایکی اصلی موضوع بیری افغانستاندن آمریکا کوچلری چیقیشی و باشقه بیری افغانستان ینه-‌ده دنیا جماعه‌چیلیگی اوچون تهدید بولمه‌سی توغریسیده ضمانت بیریلیشی خصوصیده، دوام ایتماقده.

سلام‌وطندارگه صحبت بیرگن بیر منبع نینگ ایتیشیچه، آمریکا و طالبان گروهی‌نینگ نماینده‌لری افغانستان ینه-ده دنیا جماعه‌چیلیگی اوچون تهدید بولمس تضمیناتی اوستیگه کیلیشگن‌لر؛ بیراق حاضرگچه افغانستاندن تشقی کوچلر چیقیش زمانی خصوصیده کیلیشیلمه‌گن و اوشبو موضوع جزئیاتی اوستیگه صحبت قیلیشنی جریانی بار.

منبع نینگ کوپه‌یتیریشیچه، آمریکا مذاکره هیأتی طالبان گروهی گه ایشانچ بیرگن کیم، آمریکانینگ اصلی قرارلرینی اوشبو ییغین میزلرینی آرقه‌سیده آلینه‌دی و میدیالرده آمریکا آدرسی دن نشر ایتیله‌دیگن معلومات اهمیت سیز دیر.

منبع گه کوره، بو مسئله باعث، طالبان گروهی‌نینگ نماینده‌لری ییغین دوامی گه علاقه کورستگن.

مذکور منبع تامانیدن بیریلگن معلومات اساسیده، طالبان گروهی نینگ هیأتی آمریکادن افغانستانده‌گی قرارگاهلری بوزیلمه‌سینی طلب قیلگن؛ بیراق آمریکا نماینده‌لری بو توغریده هیچ نرسه دیمه‌گن‌لر.

شو توغریده…

تینچلیک سوزلشوولری؛ طالبان گروهی تشقی کوچلر 6 آیده چیقیشینی ایسته‌گن

آمریکا و طالبان گروهی آره‌سیده بولگن تینچلیک سوزلشوولر توخته‌تیلدی

تینچلیک چیت‎ایللیک کوچلرنینگ چیقیشی گه باغلیق دیر

تینچلیک؛ آمریکا طالبان رهبرلری‌نینگ آت‌لری قاره رویخط‌دن چیقاریلیشینی ایسته‌یدی

زمرمن: تشقی کوچلرنینگ افغانستانده قالیشی تینچلیک سوزلشوولریگه باغلیق

منبع گه کوره، آمریکانینگ تشقی ایشلر وزیری مایک پامپئو، طالبان گروهی‌نینگ سیاسی اورین باسری ملابرادر بیلن کیلیشوولرگه قول قوییش اوچون دوحه ییغینیده اشتراک قیله‌دی.

شونینگدیک، طالبان گروهی نینگ سابق اعضالریدن بیری سیداکبر آغانینگ سلام‌وطندارگه ایتیشیچه، دوحه ییغینیده بولگن سوزلشوولر ایجابی شکلده ایلگری بارگن و طالبان گروهی نینگ نماینده‌لری افغانستان باشقه مملکت‌لر اوچون تهدید بولمه‌سی توغریسیده آمریکا نماینده‌لریگه سوز بیرگن.

گزارشلر اساسیده، آمریکا قوشمه ایالت‌لری نینگ تشقی ایشلر وزیری مایک پامپئو، کیله‌جک نیچه کونگچه افغانستان تینچلیک سوزلشوولر جریانی گه یاردم بیریش اوچون قطر باره‌دی.

آمریکا تشقی ایشلر وزیری نینگ امید بیلدیریشیچه، دوحه ییغینیده مذکور مملکت نماینده‌لری بیلن طالبان گروهی نینگ هیأتی ایجابی نتیجه‌لرگه قول تاپه‌دیلر؛ بیراق اورغولشیچه، منطقه‌یی اویینچی‌لر جمله‌دن پاکستان، هند، چین و روسیه موجودلیگی باعث، طالبان گروهی بیلن اوتکزیله‌دیگن تینچلیک جریانی چیگل بولیشی ممکن.

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print

این مطلب در آرشیو سلام وطندار ذخیره شده است.

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام