اخیرگی وقتلرده پاکستان حربی تیزیمی قوریلیشیگه جدی اوزگریشلر کورینماقده. بومملکت ملی کوچلر مرکزی باشلیغی راحل شریف نینگ بو لوازمده ماموریتی اوز پایانیگه ییتیشیشی بیلن پاکستان باش وزیری نوازشریف جنرال قمرجاوید باجوه نی مذکور لوازمگه تعیین قیلگن.
جناب باجوه ایسه جنرال زبیرمحمدنی اوزی نینگ اورین باسری ایتیب تعینلهگن. باجوه بوگون رسمن پاکستان حکومتی نینگ اوشبو بلند مرتبهلی حربی لوازمیگه تعین بولدی.
پاکستان سابق حربیلریدن بیری سعدنذیر اوشبو ینگی اوزگریش توغریسیده ایتیشیچه، پاکستان ملی کوچلر مرکزی نینگ ینگی باشلیغی هر بیر ایشدن کوره رسمی کابل – اسلام آباد علاقهسی یخشی لهنیشی اوچون افغانستان سفر قیلیشی لازم.
تقاعدگه چیققن پاکستانلیک بو حربی، افغانستان جمهور رییسی محمد اشرف غنی کابل و اسلام آباد مناسبتلرینی یخشی تامان یونلتیریش اوچون بار – بار پاکستانگه سفر قیلدی، شونینگیدک پاکستان رسمیلری هم ایکی مملکت علاقهسی یخشیلهنیشی اوچون بو ایشنی قیلیشلری لازم دیگن.
سعد نذیر، پاکستان ملی کوچلر مرکزی نینگ ینگی باشلیغی افغانستانگه سفر قیلیشی ترورچیلیک مسالهسی اوچون اولکن اهمیتگه ایگه دیگن.
اما، پاکستانلیک سیاسی تحلیلچی شمیم شاهد، رسمی اسلام آباد نینگ اوزاق مدتلی دستوری سیمالر اوزگرتیریلیشی بیلن ایجابی اوزگریشگه گواه بولیشی ممکن ایمس دیگن. مملکتینی وعده خلافلیککه عیبدار بیلگن پاکستانلیک بو تحلیلچی، جمهور رییس غنی ایکّی قوشنی مملکت نینگ مناسبتلری یخشی لهنیشی اوچون لازم درجهده سعی و حرکت آلیب باردی؛ بیراق دایم پاکستان تامانی نینگ شفقتسیزلیگه روپه ره بولدی دیگن.
شونینگدیک ساحه نینگ حربی متخصصلری پاکستان ملی کوچلر مرکزی نینگ ینگی رهبری تورلی قیین چلیکلر جملهدن مملکتی ایچکریسیده افراطیت مسالهسی بیلن روپه ره بولیشی احتمالدن ییراق ایمس دیگن. انه شو باعث رسمی اسلام آباد قوشنی دولتلری جلمهدن افغانستان و هندستان بیلن مناستبینی یخشیلهشی ضرور.
