ملی مصالحه عالی کینگش باشلیغی عبدالله عبدالله نینگ ایتیشیچه، کیلهجک هفتهده افغانستانلیکلرارا سوزلشوولر باشلهنیشی گه قرار قیلینگن. عبدالله تینچلیک و اوروش انستیتوتی گه اوتکزگن بیاناتی گه کیلهجک هفته افغانستانلیکلرارا سوزلشوولر باشلهنیشیدن خبر بیرگن.
عین حالده، قطرده طالبان سیاسی دفتری سوزلاوچیسی سهیل شاهین نینگ ایتیشیچه، مذکور گروه نینگ مذاکره قیلهدیگن هیأتی افغانستانلیکلرارا سوزلشوولر باشلهنیشی و مذکور سوزلشوو برابریدهگی توسیقلیکلرنی کوتاریش اوچون، پاکستان رسمیلری بیلن صحبت اوتکزگن.
شاهین توییتر صحیفهسیده یازیشیچه، بو گروه نینگ ۶ کیشیلیک هیأتی افغانستانلیک مهاجرلر، سوداگرلرنینگ قیینچیلیکلری و صادرات برابریده بولگن توسیقلیکلرنی کوتاریش اوچون پاکستان رسمیلری بیلن سوزلشگن.
اونینگ ایتیشیچه، پاکستان رسمیلری مذکور قیینچیلیکلرنی کوتاریش اوچون اولرگه سوزبیرگن.
عین حالده، پاکستانلیک خبرچی و یازووچی رزاق برق نینگ سلاموطندارگه ایتیشیچه، پاکستان طالبلرنینگ ایشانچی نی قولگه کیلتیریش و افغانستانلیکلرارا سوزلشوولر خصوصیده صحبت اوتکزیش اوچون، آمریکا نینگ ایستهگی اساسیده طالبان هیأتی نی چقیرگن.
جناب برق گه کوره، پاکستان نینگ طالبان هیأتی بیلن اوتکزگن سوزلشوویده بحث قیلینگن موضوعلردن بیری طالبان نینگ ۶ محبوسی نی قوییب یوباریلمهسی توغریسیده بو گروه نینگ قانیقتیریش دیر. مذکور محبوسلر فرانسهلیک و استرالیالیک یشاوچیلرنینگ اولدیریش گه عیبلنگن کیم بو مملکتلر اوشبو محبوسلرنینگ قوییب یوباریلمهسینی سورهگن.
اونینگ ایتیشیچه، بو سوزلشوولر پاکستان استخبارتی یا-ده آی اس آی باشلیغی نینگ ریاستی ده یاپیق ایشیکلرنینگ آرقهسیده اوتکزیلگن.
اوشبو پاکستانلیک خبرچی نینگ معلوماتی اساسیده، طالبان گروهی آرقهلی اسیر آلینگن افغانستان نینگ ۲۲ کوماندو و پیلوتی حاضر پاکستان نینگ کوهات شهریده توتقونگه دیر. بیراق اونگه کوره، طالبان بو موضوع نی تن آلمهیدی و بو کیشیلرنینگ افغانستان ده موجودلیگی نی ادعا قیلگن.
جناب برق نینگ کوپهیتیریشیچه، اوچ کوندن بویان طالبان گروهی هیأتی نینگ ۶ اعضاسی پاکستانلیک رسمیلر بیلن صحبت اوتکزماقده و اولرنینگ سوزلشووی قچان یکونلهنیشی و نتیجهسی نینگ نیمهلیگی حاضرگچه بیللی بولمهگن.
عین حالده، بوگون (پنجشنبه ۶- سنبله) مصالحه عالی کینگش باشلیغی عبدالله عبدالله افغانستان نینگ تینچلیک و اوروش انستیتوتی ده، کیلهجک هفته افغانستانلیکلرارا سوزلشوولر باشلهنیشی نینگ احتمالی بارلیگیدن خبر بیرگن.
