سیلاولر شکایتلرینی تینگلش کمیسیون، جمهور رییسغنی نینگ سیلاولرگه اصلاحات کیرتیش و ایش و صلاحیتلریگه عاید صادر قیلگن تقنینی فرمانی ملی مجلس تامانیدن رد ایتیلگن لیگینی خوش قرشیلهدی.
اوشبو فرمان اوتگن کون (دوشنبه) نمایندهلر مجلسینینگ کوپچیلیک آوازی بیلن رد قیلیندی.
سیلاولر شکایتلرینی تینگلش کمیسیون سوزلاوچیسی نادر محسنی بوگون (سهشنبه) کابلده اوتکزیلگن بیر خبری ییغینده سوزلب، جمهور رییسنینگ بو فرمانی پارلمان تامانیدن رد ایتلیشینی خوش قرشیله دی.
اونگه کوره، 6 ییل تولمسدن آلدین سیلاولر شکایتلرینی تینگلیش کمیسیولریگه هر قندهی اوزگریش کیریتیش مملکت اساسی قانونگه ضد دیگن.
جناب محسنی، پارلمان نینگ اعضالری مسالهنی توشینیب – بیلیب اوشبو تقنینی فرماننی رد قیلگن دیگن. او، ملی مجلس بوندهی بیر تدبیر بیلن سیلاولر کمیسیونلری ایکّی بولینیش آلدینی آلیشگه موفق بولدیلر دیدی.
شونینگدیک محسنی، جمهور رییس نینگ صادر قیلگن تقنینی فرمانی، مملکت ملی منفعتیگه ایمس ایدی دیگن. سیلاولرنینگ قانونیگه هر قندهی اوزگریش کیریتیش سیلاولر کمسیونلری تکلیفی اساسیده و ملی مجلسنینگ تصدیق بیلن مقصدگه مواق دیدی جناب محسنی.
عین حالده، محسنی بو تقنینی فرمان 45 کون آلدین امضالنگن دن سونگ مجلس یوباریلگن دیگن. حال بوکه مملکت اساسی قانونی نینگ 79 ماده سیده تقنینی فرمان ملی مجلسنینگ بیرینچی ییغیندن کیین درحال 30 کونگه قدر نماینده لر مجلسی گه یوباریلیشی قید ایتیلگن. اما، بو فرمان اون بیش کون کیچیکتیریلیب یوباریلیشی قانون مشروعیتینی اورته دن کوتارهدی.
شکایتلرنی تینگلش کمیسیون سوزلاووچیسی، حکومتدن سیلاولر تیزیمیهگه اصلاحات کیریتیش اوچون مناسب زمینه نظرده توتیش نی سورهگن. پارلمانی و تومنلر کینگشی سیلاولری آرتده قالدیریلمسلیگی اوستیده هم تاکید ایتگن جنا محسنی.
سیلاولر شکایتلرینی تینگلش کمیسیون، افغانستان جمهور رییسی بیر اعلامیه نشر قیلیب، تقنینی فرمان ملی مجلس اعضالری تامایندن رد ایتلیشی سیلاولرگه اصلاحات کیتریشنی ینه آرتده قالدیره دی دیگن بیر پیتده بو مسالهنی خوش قرشی لهماقده.
شونینگدیک حکومت، پارلمانی همده تومنلر کینگشی سیلاولری اوتکزیلیشی اوچون هیچ قندهی سعی وحرکتدن چرچمهمسلیگی اوستیده اورغولهگن.
