امریکا قوشمه ایالتلری افغانستانگه 4 مینگ حربی قوشین یوباریشنی ریجهلنتیرگن بیر پیتده، افغانستان و پاکستان اوچون مخصوص نمایندهلیگی لوازمینی بیکار قیلدی.
ساحه نینگ مختصصلری، افغانستان و پاکستان مناسبتلری یخشی بولمهگن بیر چاغده امریکا دولتی رسمی کابل – اسلام آباد مناسبتلرینی یخشیلشتیریش اوچون امکان بولمهگن بیر پیت بو اداره نی ایجاد ایتگن ایدی دیگنلر.
اما، رسمی واشنگتن نینگ ینگی سیاستیده رکس تیلرسون رهبرلیک قیلهدیگن تشقی ایشلر وزیرلیگی نینگ خرجتی کمهتیریلیشی اوچون بو وزیرلیک امریکالیک دیپلوماتلر سانینی کمهتیریشگه اولگورگن.
بوندن کیین میلرنینگ وظیفهسی مرکزی و جنوبی آسیا داخل هند بوییچه اقش نینگ تشقی ایشلر وزیرلیگی نمایندهسی آرقهلی رهبرلیک قیلینهدی. امریکانینگ حاضر هم مرکزی و جنوبی آسیا اوچون ادارهسی هنوز هم سرپرستسیز حالده قالماقده. اقش نینگ ینگی دولتی هم هلیگچه اوشبو ریاست اوچون معیین شخص نی نظرده توتمهگن.
بوندن نیچه کون آلدین اقش مدافعه وزیری جیمز ماتیس مملکتی نینگ افغانستان توغریسیدهگی ینگی استراتژیسی جمهور رییس ترامپ آرقهلی کوچگه کیریتیلگن دن سونگ عملی بولهدی دیگن ایدی.
