بوگون (پنجشنبه) جمهور رییس محمداشرف غنی بریتانیادن مملکت ایرکینلیگینی آلگن 97لمچی ییلی مناسبتی بیلن سوزگه چیقیش قیلگن ایدی. او امنیتی کوچلر، گروهلر سیاسی قرمه قرشیلیگیگه قوشیلمسلیکلری و ملی بیرلیک قدریتلریگه برابر عمل قیلیشلرینی سورهدی.
بو شوپیتده بولهدی که چمهسی نیچه هفته آلدین جمهور رییس بیرینچی اورین باسری جنرال عبدالرشید دوستم و نیچه کوندن بیری اجراییه باشلیغی عبدالله عبدالله جمهور رییس غنیگه قرشی انتقادلری چیقیب قالگن.
بوگون ایرتهلب جمهور رییس دولت رسمیلری و مملکت سیاسی شخصیتلری بیلن مدافعه وزیرلیگیده ایرلشگن ایرکینلیک مناری آستیده گل قوییشی بیلن مملکت ایرکینلیک کونینی کوتیب آلدی.
اوشبو مراسمده جمهور رییس ملی بیرلیکنی سقلهنیشیگه تأکید قیلیب ایتیشیچه، بوندن بویان افغانستان تشقی ایرکینلیگینی هیچ بیر شرایطده قولدن بیرمیدی.
جناب غنی شوپیتده مملکت ایرکینلیک کونینی کوتیب آلهدیکه اونگه کوره، شو حاضر افغانستان ایرکینلیگنی یخشی سقلش اوچون وعدهلرنی تجدید قیلیشگه جدی نیاز کورینهدی.
جمهور رییس نینگ ایتیشیچه، ترورچی گروهلر افغانستاننی نابود قیلیشگه کورهشه دیلر اما امنیتی کوچلر مملکت بویلب مذکور گروهلرنی نابود قیلهدی. او ترورچی گروهلرگه قرهتیب بوندهی دیدی: «ببر اویده کیلگنیزده سیز بیلن تولکیدیک حرکت قیلینیشنی باشینگیزدن چیقارینگ.»
اوشبو کوندن بوگون مملکت ولایتلریده جملهدن فاریاب، جوزجان، بلخ، قندوز و هلمند ولایتلریده خاص امنیتی تدبیرلر بیلن کوتیب آلیندی.
تاریخی حکایهلرگه قرهگنده، بوندن 97 ییل آلدین شاه امانالله خان افغانستان ایرکینلیگینی بریتانیادن آلگن، اما ایریم ایش بیلرمانلرگه کوره، شو حاضر افغانستان ایچکی و تشقی سیاستیده ایرکین عمل قیله آلمهیدی و مالی و حربی حمایت قیلهدیگن مملکتلر نفوذی آستیده عمل قیلینهدی.
