.jpg)
اوتگن (شنبه کون) حکومت اجراییه ریاستی بیرینچی اورین باسری انجینیر محمدخان بیلن اوچرهشگن روسیهنینگ ایلچیسی الکساندر مانتیسکینینگ ایتیشیچه، مملکتی افغانستان تینچلیک لایحهسیدن حمایت قیلهدی. ایش بیلرمانلردن بیرقطارینینگ ایشانچیگه کوره، روسیه اورته آسیاده کینگ نفوس قیلگن و منطقهیی اوزگریشلرگه اساسی رول اوینهیدی.
سیاسی ایش بیلرمان لطیف نظرینینگ سلاموطندارگه ایتیشیچه، افغانستان شمالیدهگی اوروش اورته آسیاگه تارتیلیشی روسیهنی جدی شکلده خواطرگه سالگن و انه شو سبب، افغانستان دولتیگه قرشی عصیانچی گروهلرنی تینچلیک مذاکره میزی اوستیگه حاضرلش اوچون سعی و حرکت قیلهدی.
جناب نظرینینگ ایشانچیگه کوره، روسلر منطقه اوزگریشلریده چینیلردن کوره فعال قتنشهدی و افغانستاندهگی جنگریلرنینگ ایچیده هم نفوذی کوپ بولگن. جناب نظریگه کوره، روسیه، افغانستان تینچلیک لایحهلریدن حمایت قیلیب، نفوذینی منطقهده کوپهیتیریب و امنیتیگه قرشی لایحهلرنی باشقریش خصوصیده فعالیت قیلهدی.
.jpg)
بوندن آلدین، افغانستان دولتیگه قرشی قوراللی گروهلر، اینیقسه طالبلر روسیه تامانیدن حمایت ایتیلیشی خصوصیده گزارشلر ترقهتیلگن ایدی.
شونینگدیک، سیاسی ایش بیلرمانلردن باشقه بیری فاروق بشرنینگ ایتیشیچه، روسیه، افغانستانده تینچلیک مستحکملنتیریلیشینی اوزینینگ منطقهیی منفعتیگه دیب بیلهدی؛ انه شو سبب، تینچلیک سوزلشوولرینی آلغه آلیب باریش اوچون، علاقه کورستگن.
جناب بشرگه کوره، روسیه حاضرگچه طالب ستیزلیک لایحهنی پیشه قیلمهگن و شو اساسده، قولیلیک بیلن طالبلرنی مذاکره میزی اوستیگه حاضرلهآلهدی.
اوشبو ایش بیلرمانلرنینگ ایتیشیچه، روسیه هردایم افغانستاننی منطقهیی لایحه و اوز امنیتی اوچون بیر بولیم بیلیب کیلگن و اوشبو مملکت امنیتی مستحکملنتیریلیشی اوچون، خاص لایحهلرنی قولگه آلگن. اولرنینگ ایشانچیگه کوره، روسیه میلادی 2016- ییلده منطقهیی اوزگریشلرنی نظارت قیلیشی یانیده، افغانستان شمالیده داعش گروهی نفوذینی نابود ایتیش اوچون سعی و حرکت قیلهدی.
