آمریکا جمهوررئیسی نینگ ایتیشیچه، مملکتی افغانستاندهگی حربیلری نینگ برچهسینی چیقاریب و بو مملکتده اوروش نی یکونلنتیریش اوچون ایشلهیدی.
آمریکا جمهوررئیسی دونالد ترامپ بیرلشگن ملتلر تشکیلاتی نینگ ۷۵- ییللیک ییغینیده ایتیشیچه، آمریکا تینچلیک کیلتیرووچی نقش نی ایشلهیدی و بو کوچ موضعی دن عمل گه آشیریلهدی.
شونینگدیک بوندن آلدین ترامپ، آمریکا و طالبان گروهی آرهسیده امضالنگن کیلشیوونامه اساسیده، افغانستاندهگی حربیلری نینگ سانی نی ۴ مینگ کیشی گه کمهیتیریلیشی نی بیلدیرگن ایدی.
ترامپ گه کوره، آمریکا باشقه هر زمان گه قرهگنده کوچلی دیر. اونینگ ایتیشیچه، اونینگ هردایم قیلهدیگن دعالریدن بیری هستهیی قوراال دن استعمال قیلمهیش دیر.
ترامپ افغانستاندهگی حربیلری نینگ بوتونلی چیقاریشی توغریسیده اورغولهگن بیرحالده، یکشنبه کونی آمریکا ملی خوفسیزلیک سابق مصلحتچیسی مکمستر، آمریکا حربیلری افغانستان و جرمنی گه اوخشهگن مملکتلردن چیقیشی خطا دیگن ایدی.
آمریکا ملی خوفسیزلیک سابق مصلحتچیسی سیبیاس ترماغی گه ایتیشیچه، ترامپ افغانستانلیکلرارا باشلنگن سوزلشوولرگه طالبان گروهی گه کوپینچه امتیاز بیرگن.
باشقه بیر تاماندن افغانستان تینچلیگی بوییچه آمریکا خاص نمایندهسی زلمی خلیلزاد، اوتگن کیچه کانگرس گه چقیریلدی.
جناب خلیلزاد بیاناتی گه ایتیشیچه، آمریکا حربیلری افغانستاندن چیقیشی آمریکا و طالبان گروهی آرهسیده امضالنگن کیلیشوونامه گه تیگیشلی دیر.
جناب خلیلزاد گه کوره، طالبان خوفسیزلیک تأمینلنیشی توغریسیده وعده بیرگن کیم اونگه عمل قیلمهگن صورتده، آمریکا حربیلری نینگ افغانستان دن چیقارمهسی ممکن.
جناب خلیلزاد نینگ ایتیشیچه، عیاللرنینگ حقلری و ایرکینلیگی سقلهنیشی افغانستانلیکلرارا سوزلشوولرگه بحث گه آلینهدی.
اونینگ کوپهیتیریشیچه، آمریکا بو پروسه دن نظارت قیلهدی و افغانستانلیک عیاللردن حمایتی و همکارلیگی خصوصیده دوام بیرهدی.
دوحه ده افغانستان و طالبان گروهی آرهسیده مذاکره باشلنگنیدن کمیده اوچ هفته اوتماقده، بیراق بو پیتده اولر قطار موضوعلر حقیده کیلیشه آلمهگن.
دوحه ده ملی مصالحه عالی کینگشی و مذاکرهچی هیأت اعضالریدن قطاری نینگ ایتیشلریچه، ایکی هیأت نینگ آرهسیدهگی جنجللر تیزلیککه حل بولیشی ممکن.
