.jpg)
بلژیک پایتختی بروکسلده اوتکزیلهجک ییریک ییغین اوچون سناقلی کونلر قالگن. افغانستان حکومتی اوشبو ییغینده خلق ارا همجمعیت مملکتلری همکارلیگینی جلب ایتیش اوچون قولگه کیریتگن یوتوقلرینی تقدیم ایتیشی کوتیلهدی.
ملی درآمد منبعی آشگنلیگی و اداری فسادگه قرشی کورهش اوچون عدلی و قضایی اداره آچیلیشی حکومتنینگ ییغین اوچون اساسی موفقیتی حسابلنهدی. اما، ساحهنینگ قطار متخصصلری، اداری فسادگه قرشی کورهشده حکومت ناکام ایکنلیگینی تیلگه آلیب، مملکت رهبری بروکسل ییغینیده "یوتوق" سیز قتنشهدی دیگنلر.
بیر قنچه ایش بیلرمانلر، افغانستان ملی بیرلیک حکومتینینگ اداری فسادگه قرشی کورهشی، حکومتنی تجاری مرکزگه ایلنتیریشی و قوشنی مملکتلربیلن تجاری علاقهلرنی مستحکملشده موفق بولمهگن لیگینی بیلدیرگنلر.
اقتصادی متخصص قیس محمدی، حکومتنینگ بعضی بیر بولمیلرده موفقیتلرگه ایریشگنی کوزهتیلیشیگه قرهمی؛ لیکن، بروکسل ییغینیده اشتراک قیلیش اوچون بیرگن وعدهسیگه کوره دییرلی ایش قیلیشگه موفق بولمهگن دیگن. جناب محمدی، افغانستانلیک تاجرلرنینگ تَورلری پاکستان آلیب باریلیشده انده – سنده یولنینگ یاپیلیشی حکومتنینگ بو توغریدهگی ناکام بولگن لیگیدن کیلیب چیقهدی دیدی.
دنیا جماعهچیلیگی نینگ همکارلیگی دوام ایتیشی افغانستانده فساد ایلدیزدن یوق ایتیلیشیگه بی واسطه علاقهسی بارلیگی دایم تیلگه آلینگن. بیراق، اوزاق ییللردن بیری افغانستان دنیاده فسادگه باتگن مملکتلرنینگ بیرینچی، ایکینچی و اوچینچی اورنیده تورگن.
.jpg)
هر حالده، حکومتنی بو توغریده اونچهلیک تفاوتسیزللیکه عیبلش هم مقصدگه موافق ایمس. افغانستان حکومتی اداری فسادگه قرشی کورهش آلیب باریش اوچون یقینده ایجاد ایتیلگن عدلی و قضایی اداره فسادگه باغلیق ییریک دوسیهلرنی تیکشریشی انابتگه آلینگن. اما، سیاسی تحلیلچی حشمت رادفر، ملی بیرلیک حکومتی فسادگه قرشی کورهش اوچون دستلبکی آدیملرنی هم کوتاریش اوچون سعی وحرکت قیلمهگن دیدی. جناب رادفرنینگ سوزلریگه کوره، فسادگه قولی بولگن کیشیلر ایچکری ینه تشقریدن جدی حمایت ایتیلیشلری بارهسیده علیحده تاکید ایتگن.
عین حالده، مملکت مالیه/ سالیق وزیرلیگینینگ سوزلاوچیسی اجمل حمیدعبدالرحیمزی سلام وطندار ترماغیگه بیرگن صحبتده اداری فسادگه قرشی کورهش اوچون حکومت دییرلی آدیملر کوتارگن لیگینی بیلدیرگن.
مملکت ملی درآمدی آشیشی اداره فساد ساحهسیده حکومت نینگ موفق ایکن لیگیدن دّرک بیره دیدی جناب عبدالرحیمزی.
لیکن، مملکت تجارت و صناعت اتاقینینگ اورین باسری خانجان الکوزی، مالیه آلیش میزانی کوپیتیریلیشی بیر تاماندن ملی درآمد آشیشیگه سبب بولسه – ده ایکّینچی طرفدن ایسه اونلب سرمایه یاتقیزوچی شخص مملکتنی ترک قیلیشگه مجبور بولگنلر دیدی. خلقنینگ چونتگیدن پولینی زوردن چیقاریب آلیش هیچ بیز زمان موفقیت حسابلنمیدی دیگن جناب الکوزی. یوتوقلر اونچهلیک سیزیلرلی بولمسه هم حکومت همده اهالی بروکسل ییغینیگه کوز تیککن.
بروکسل ییغین افغانستان حکومتیگه دنیانینگ کورستهجک یاردملری دوامی اوچون اساسی بهانه سنهلهدی و حکومت ایسه قندهی هم بولمهسین کنفرانسده دنیا همجمعیت مملکتلری همکارلیگینی جلب قیلیشی سوو هوا دیک ضرور.
