بوگون «شنبه» تاجیکستان باشکینتی دوشنبه شهریده یولگه قوییلگن آسیا بوییچه همکارلیک و ایشانچ مستحکملشتیریش یا-ده سیکا بیشینچی ییغینیده افغانستان اجراییه باشلیغی عبدالله عبدالله نینگ ایتیشیچه، ترورچیلر تینچ باشپناهلریدن محروم قیلینیشی کیرهک و بو مقصد عملگه آشیریلیشی اوچون منطقه و دنیا همکارلیکلری چقانلشتیریلیشی لازم.
اجراییه باشلیغی گه کوره، ناتینچلیک منطقه همکارلیکلری و اقتصادی ترقیات گه قرشی جدی قیینچیلیک سنلهدی.
جناب عبدالله نینگ اورغولشیچه، تینچلیک نهفقط افغانستان، بلکیم بوتون منطقه اوچون اساسی نیازلردن بیری بولگن و اونگه ایریشیش خصوصیده سعی و حرکت قیلینیشی کیرهک.
سیکا، میلادی 1996- ییلده منطقه برقرارلیگی و خوفسیزلیگی اوچون رسمی شکلده تشکیل ایتیلدی. حاضر مذکور تشکیلات نینگ 22 اعضاسی بار و سیکا باشلیغلری نینگ ییغینی هر تورت ییلدن کیین بیر مرته یولگه قوییلهدی.
