جمهور رییس بیرینچی اورین باسری جنرال عبدالرشید دوستم نینگ ایتیشیچه، جمهور رییس و اجراییه باشلیغی ایکیسی هم قدرت طلبلیک قیلهدی و باشقه رهبرلر حقوقینی نظرده توتمیدیلر.
جنرال دوستم نینگ اجتماعی ترماغلرده ترقهتیلیب کیلهدیگن ویدیویی صحبتیده، ملی بیرلیک حکومت ایجاد ایتیلیشیچه، اونملی نقشی بولگن ایدی، اما حکومت باشله نیشیدن قدرتنی 50-50 بولینیشیگه موافق ایمس ایکن.
مذکور ویدیوده جنرال عبدالرشید دوستم ملی بیرلیک حکومتیدن اوز ناراضلیگینی بیلدیرهدی و ایتیشیچه، غنی باشقرویده تحول و دوام و عبدالله باشقرویده اصلاحات و همگرالیک تیملری قدرتنی اوز ارا بولیب آلگنلر و اونینگ سهمی بو اراده هیچ نرسه بولگن.
جنرال دوستم که شو حاضر شمالده جنگریلرگه قرشی اوروشیب کیلماقده، ایتیشیچه، اونلرچه بلند مرتبهلی رسمیلر تعیین ایتیلیشیدن فقط ایکی والی نینگ تعیین ایتیلیشیگه نقشی بولگن و خلاص.
جمهور رییس نینگ بیرینچی اورین باسری ملی بیرلیک حکومت باشلیغلری نینگ امنیتی نهادلرنی سیاسی قیلیشگه عیبلیدی و ایتیشیچه، شو حاضر افغانستان پولیس و اردو کوچلری ملی ایمس و امنیتی کوچلر هم اویغونسیزلیک بیلن روپهره بولگنلر.
او، حکومت باشلیغلریدن قدرت بولیش اوستیده چنه اوریشلری اورنیده اهالی جانی و مالینی سقلشلری فکریده بولسینلر دیگن. جمهور رییس نینگ بیرینچی اورین باسری گه کوره، غنی و عبدالله حتی پول سیاهلرنی اوزلری ارا بولیب آلهدیلر.
جناب دوستم اجتماعی و مردمی کوچینی ضعیفلشتیریش اوچون ایریم حلقهلر تلاش قیلیب کیلماقده لر و بو حرکتلری سابق حکومت اشتباهلرینی تکرار قیلیش دیب بیلهدی.
جنرال دوستم جمهور رییس سوزلاوچیسی اورین باسرلری سوزلریدن انتقاد قیلهدی. جمهور رییس نینگ شانگهای اولتیریشیده اشتراک ایتیش نیتیده تاشکنتده قیلگن سفریگه قرهتیب سوزلاوچیسی اورین باسری سیدظفر هاشمی، اونینگ ینگی اوسکونهلر(تکنالوژی) دن فایدهلنیب مملکت اداری ایشلرینی باشقرهدی، شو اوچون سرپرستگه نیاز قالمیدی دیگن ایدی.
جناب دوستم جمهور رییس نینگ مملکتدن تشقریده بولگن حالده، اولکه وضعیتینی کنترل قیلیش کوچیگه ایگه ایمس و قانونگه مطابق بیرینچی اورین باسری حکومت ادارهسینی مدیریت قیلیشی لازم دیب تأکید قیلگن.
جنرال عبدالرشید دوستم شمال ولایتلرینی جنگریلردن پاکلش اوچون نیچه مرته فاریاب، سرپل و جوزجان ولایتلریده باریب، مذکور منطقهلردن جنگری گروهلرنی نابود قیلیشگه اولگورگن.
