بوگون "سهشنبه" افغانستان بوییچه سیلاو شفافیتینی کوزهتووچی اداره یا-ده تیفا باشلیغی نعیم ایوب زاده نینگ افغانستان بوییچه ایرکین و عدالتلی سیلاو قوریلمهسی یا-ده «فیفا» بیلن اوتکزگن قوشمه ییغینده ایتیشیچه، جمهورلیک ریاستی سیلاوی برابریده بولگن قیینچیلیکلرگه حکومت، سیلاو ایرکین کمیسیونلری و خلق ارا جماعهسی نینگ دقتسیزلیگی سبب، بو سیلاو 6 میزانده یولگه قوییلمهیدی.
بیراق، سیلاولر ایرکین کمیسیونی نینگ دبیرخانه باشلیغی حبیبالرحمان ننگ نینگ ایتیشیچه، تعیین ایتیلگن تاریخ اساسیده، سیلاولر ایرکین کمیسیونی جمهورلیک ریاستی سیلاوینی یولگه قوییشگه تیارگرلیک آلگن.
سیلاولردن نظارت قیلووچی ادارهلر مسووللری نینگ تاکید قیلیشیچه، سیلاو یولگه قویلیش زمانگهقدر کم فرصت قالگن، سیلاولر ایرکین کمیسیونلری، افغانستان دولتی، خلق ارا جماعهسی، سیلاو تیملری و مربوط بولگن نهادلر صادقانه شکلده همکارلیک قیلگن صورتده، جمهورلیک ریاستی سیلاوی نینگ شفاف شکلده یولگه قوییلیشی ممکن.
جمهورلیک ریاستی سیلاوینی جاری ییل 6 میزانده یولگه قوییلیشی خصوصیده قرار قیلینگن و بو سیلاوده 18 کیشی اوزلرینی نامزد قیلگنلر.
