افغانستان حکومتی اجرایی باشلیغی عبدالله عبدالله، اولکه ایچکی مسألهلری اوچون تشقی مملکتلر ارهلشمیدی و ناتینچلیک لرگه قولی بارلیک شایعهلرینی رد قیلدی.
جناب عبدالله بومطلبنی شوپیتده بیان قیله دی کی، شوسونگیلرده افغانستان ناتینچلیگیگه تشقی کوچلر قولی بار دییلگن گزارشلر ترقتیلگن ایدی.
حکومت اجرایی باشلیغینینگ ایتیشیچه، افغانستاننی تشقی حربیلر حضوری و یاردمیگه احتیاجی بار. جناب عبداللهگه کوره، مذکور کوچلر یاردمی اوروش ماموریتی یکونلنگندن کیین هم دوام ایتهدی.
ناتونینگ ینگی ماموریتی افغانستان امنیتی کوچلریدن حمایت ایتیش، مصلحت بیریش و اورگهتیش بولیملرینی اوزیگه آلیب قالهدی.
حکومت اجرایی باشلیغیگه کوره، دنیا جماعهچیلیک و تشقی کوچلر یاردمی افغانستان خلقی و حکومتیگه قرشی حرکت قیلیش معناسی ایمس.
جناب عبدالله، بوندهی فکرلر اولکه هیچ بیر دردینی دوا قیلمهیدی دیگن. شونینگدیک اونینگ ایتیشیچه، افغانستان امنیتی کوچلری تشقی مملکتلر اینیقسه امیریکهنینگ مالی یاردمیگه احتیاجی بار.
ایتیلیشیچه، هرییلب امیریکه تامانیدن افغانستان امنیتی کوچلری 4میلیارد دالر یاردم ایتیلهدی.
ثور 21- سیده اجرایی باشلیغی وزیرلر کینگشی اولتیریشیده سوزگه چیقیش قیلیب ایتیشیچه، حکومت ایستهگن صورتده، تشقی کوچلر عملیاتلر یولگه قوییلیشیگه هم یاردم بیریشلری ممکن.
شونینگدیک ملی کینگش نمایندهسی عبدالستار خواصیگه کوره، چیت ایللیکلر افغانستان امنیتینی خطربیلن روپهره قیلگن.
جناب خواصینینگ ایتیشیچه، امیریکه، افغانستان سیلاویگه ارهلشیب، نتیجهده قانونی حکومتنی حاضرگی ملی بیرلیک حکومتگه اوزگرتیردی.
ینه بیر تماندن ملی کینگش نمایندهلریدن بیرقطاری اولکه ایریم منطقهلریدهگی امنیتی وضعیت توغری سیده خواطر بیلدیرگنلر.
شونینگدیک ملی کینگش باشلیغی عبدالرؤوف ابراهیمینینگ ایتیشیچه، اولکه ایریم ولایتلری جدی خطرگه روپهره بولگن.
جناب ابراهیمی، حکومتنی امنیتی مسألهلر توغریسیده دقتسیزلیککه عیبلب، جمهور رییسدن حربی کوچلر باش قومندانی حیثیده جدی حرکت قیلیشینی سورهدی.
شونینگدیک اولکه ایریم ولایت و تومنلریده ناتینچلیکلرحاکم بولگن. اما حکومت و مدافعه وزیرلیگینینگ ایتیشیچه، حاضرگه قدر اولکه امنیتی کوچلری طالبلرگه قرشی پیروز بولگن.
افغانستان مدافعه وزیرلیگینینگ مطبوعات اورین دولت وزیرینینگ سلاموطندارگه ایتیشیچه، 16 ولایتده طالبلرگه قرشی 18 عملیات یولگه قوییلگن.
جناب وزیریگه کوره، مذکور عملیاتلر بویروغی افغانستان امنیتی کوچلری قولیگه بولگن.
شونینگدیک افغانستان اجرایی باشلیغی، دشمنلرگه قرشی وظیفهلر توغری سیده ایتیشیچه، طالبلرگه قرشی حکومت ریجهسی اوزگرمهیدی.
جناب عبداللهنینگ افغانستان امنیتی کوچلری قولگه کیریتگن یوتوقلریدن منتدارلیک بیلدیریب ایتیشیچه، حکومت و امنیتی مسوللرنینگ برچه دقتی اولکه امنیتینی سقلش خصوصیده مناسب بولگن.
دیمک، مدافعه وزیرلیگی افغانستان امنیتی کوچلرینینگ طالبلرگه قرشی یوتوقلریدن خبر بیرهدی؛ اما بیر قطار تومنلر جملهدن بادغیس ولایتینینگ جوند تومنی طالبلر قولیگه توشگنی توغری سیده گزارشلر ترقتیلگن.
ایتیلیشیچه، حاضرگه قدر افغانستان امنیتی کوچلری و جنگری گروهلر اورتهسیده نه فقط بادغیس ولایتینینگ جوند تومنی. بلکیم، بدخشان، کندز، غور، فاریاب، و باشقه بیرقطار ولایتلرده اوروش دوام ایتیب کیلماقده.
