طالبان گروهی نینگ ییریک اعضالریدن بیری مولوی محمدعلی جان احمد نیچه کون آلدین طالبان گروهی نینگ رهبری ملا هبتالله کرونا ویروس گه چلینگنینی ایتگن ایدی.
فارن پالیسی گه صحبت بیرگن مولوی محمدعلی جان احمدنینگ ایتیشیچه، «بیزلرنینگ رهبریمیز کسل دیر، بیراق حاضر ساغلیک وضعیتی یخشی بولگن.»
ینگیلیکده پاکستان نینگ کویته شهریده مذکور گروه نینگ 3 ییریک اعضاسی آتلری فاش ایتیلیشینی ایستمهی فارن پالیسی گه ایتیشیچه، کرونا ویروس باعث ملا هبتالله آخندزاده اولگن بولسه ممکن، بیراق بو خبر حاضرگهقدر رسمی شکلده تصدیقلنمهگن.
طالبان گروهی نینگ ییریک اعضالری گه کوره، اوشبو گروه نینگ رهبری معالجه جریانیده جان بیرگن.
افغانستان حکومتی نینگ ییریک رسمیلریدن بیری نینگ ایتیشیچه، طالبان گروهی نینگ رهبرلری و اوشبو گروه نینگ مذاکرهچی هیأتینی اعضالری دوحه ده کرونا ویروس گه چلینگن. او، خاص شکلده کیمسه دن آت توتمهگن.
اونینگ فارن پالیسی گه ایتیشیچه، طالبان گروهی نینگ رهبری کرونا ویروس گه چلینگنی باعث، افغانستان دولتی و اوشبو گروه نینگ آرهسیده بولگن تینچلیک سوزلشوولری قیینچیلیککه دوچ کیلهدی و آتیشکیسین هم دوام ایتمهیدی.
طالبان گروهی نینگ رهبری ملا هبتالله آخندزاده نینگ اولگنینی توشونگن اوشبو گروه نینگ ییریک اعضالریدن بیرقطاری نی ایتیشلریچه، اوچ آیدن بویان اونی کوریشمهگن و شونچه مدتده اوندن هیچ بیر سیسلی پیام ایشیتمهگنلر. اولرگه کوره، اوشبو گروه نینگ بیرینچی آدمی هییت کبی مناسبتی کونلرده هم آدملری گه پیام بیرمهگن.
مولوی محمدعلی جان احمد یالغیز ملا هبتالله آخندزاده کسلخانه ده یاتقیزیلگنیدن خبر بیرگن ایدی، بیراق آخندزاده قیسی بیر کسلخانه ده یاتقیزیلگنی توغریسیده هیچ نرسه دیمهگن.
عین حالده، افغانستان دولتی و غرب رسمیلری نینگ ایشانچی گه کوره، آخندزاده بو خبر نشر ایتیلیشیدن آلدین کرونا ویروس گه چلینگن. کینگ لندن و طالبان گروهی نینگ ایشلری بوییچه ایش بیلرمان انتونیو گیوستوزی نینگ فارن پالیسی گه ایتیشیچه، طالبان نینگ رسمیلری، رهبرلری کرونا ویروس گه چلینگنینی تصدیقلشگن. او، طالبان نینگ ییریک اعضالریدن نقل قیلیب ایتیشیچه، ملا هبتالله آغیر شکلده کسل بولگن و کسلخانهلردن بیری ده یاتقیزیلگن.
گیوستوزی گه کوره، طالبان نینگ ییریک اعضالری، آخندزاده اوزینی دارولش اوچون روسیه کیتگنینی ایتیشگن.
