مرکزی و جنوبی آسیا ایشلری بوییچه آمریکا تشقی ایشلر وزیرلیگی نینگ اورینباسری الیس ویلز، ممکلتده موجود وضعیتدن تنقید قیلگن. ویلز نینگ کوپهیتیریشیچه، بوندهی وضعیت دوام تاپیشی افغانستان نینگ خلقارا حمایتچی و یاردمچیلری گه قبول قیلینمهیدی.
او بیر توییت یازیب ایتیشیچه: «خلقارا یاردملر همهشمول بیر حکومت گه تشکیل ایتیلیشی گه باغلیق دیر و بیزلر برچهمیز افغانستانلیک رهبرلرنی جواب بیرووچی بیر حکومت اوستیگه کیلیشیشلرینی اوچون زمینه یرهتیشیمیز کیرهک.»
ویلز گه کوره، افغانستانده خلقارا یاردملر همهشمول بیر حکومت تشکیل ایتیلیشی گه باغلیق دیر.
بوندن آلدین آمریکا تشقی ایشلر وزیری مایک پمپئو افغانستاندهگی سفری نتیجهسیز یکونلنگنیدن کیین، بیر اعلامیه آرقهلی جناب عبدالله و غنی نینگ آرسیدهگی قرمهقرشیلیکلر دوام تاپگنیدن تنقید قیلیب ایتیشیچه، بو جنجللرنی دوام تاپیشی آمریکا ملی خوفسیزلیگی گه تیگیشلی بولهدی و بو مملکت افغانستان گه بیرهدیگن یاردملریدن بیر میلیارد دالرنی توختهتیش گه قرار قیلگن.
پمپئو جناب غنی و عبدالله آرسیدهگی جنجللرنی افغانستان اهالیسی، آمریکالیکلر و افغانستاندن حمایت قیلووچی مملکتلرگه حرمتسیزلیک دیدی.
سیلاولر ایرکین کمیسیونی جناب غنی نینگ ۶- میزان سیلاو غالبی اعلام قیلگنیدن کیین، جناب عبدالله و غنی آرهسیده قرمهقرشیلیکلر کوپهیدی.
عبدالله غنی نینگ جدی رقیبی صفتیده سیلاو نتیجهسینی قبول قیلمهی و طرفدارلریگه همهشمول بیر حکومت تشکیل ایتیشیدن سوز بیردی.
