قطار سیاسی تحلیلچیلر، ملی بیرلیک حکومتی اداری فسادگه قرشی کورهش اوچون اراده و قابلیتگه ایگه ایمس دیدیلر.
بروکسلده اوتکزیلگن ناتو ییغینی نینگ جریانیده ایریم تشقی ییتکرمهلر بیلن صحبت قیلگن ینساستولتنبرگ، ناتو تشکیلاتی افغانستان حکومتیگه کورسته دیگن یاردملری بدلیگه بو مملکت حکومتیدن اداری فسادگه قرشی کورهشده جدی بولیشنی سورهیدی دیگن.
استولتنبرگ، افغانستان حکومتی ادارهلریدهگی فساد بو مملکت حربی کوچلرینی کوچسیز بولیشیگه سبب بولگن دیدی. شونینگدیک افغان حربیلری کوچسیز بولیشی ناتوگه اعضا دولتلرنی نا امید قیلگن دیدی جناب ینس.
اما، قطار سیاستچیلر همده ملی مجلس اعضالرینینگ سلاموطندارگه ایتیشیچه، افغانستان حکومتی اداری فسادگه قرشی کورهش یولیده رسمی کابلنی حمایت قیلیب کیله دیگن دولتلرنی کوندیریش درجهده موفق ایمس دیدیلر.
هنوز هم مملکت خلقی اداری فسادگه قرشی کورهش اوچون درست سیتسم یوقلیگی همده قانون بیر سانده عملگه آشیریلمس لیگی توغرسیده جدی اذیت چیکه دیلر دیدی سیاستچیلر.
نمایندهلر مجلسی نینگ اعضاسی عارف رحمانی، اداری فسادگه قرشی کورهشده ملی بیرلیک حکومتی نینگ قیله دیگن ایشی رمزی بیر حرکتدن بولک نرسه ایمس دیگن. نیچه ییلدن بیری ملی بیرلیک حکومتی نینگ رهبرلری خلق کوزیگه توپراق اوریب کیلماقدهلر دیدی مجلس اعضاسی.
اداری فسادهگه قرشی کورهش بولیمده حکومت سیاسی وقومی یاندهشهدی دیدی جناب رحمانی. بو پدیده نی ایلدیزدن یوق ایتیش اوچون حکومتده کوچلی بیر اداره بولمهگن لیگینی تیلگه آلهدی مجلس نینگ بو اعضاسی. پارلمان اعضاسی جناب رحمانی، افغانستاندهگی اداری فساد جمهور رییسلیک سرایی همده اجراییه ریاستیدن ایلدیز آلهدی دیگن.
افغانستانده شفافیتنی کوزهتووچی اداره نینگ باشلیغی اکرام افضلی، اداری فسادگه قرشی کورهش اوچون حکومت نینگ فعالیتی ایریم سواللر توغلیشیگه باعث بولهدی دیگن. ایریم بولیملرده بعضی بیر کیچیک ایشلر عملگه آشیریلگن، اما بوتونلهی آلگنده حکومت بو یولده جدی بیر ایش قیلیشگه موفق بولمه دیگن افضلی.
جناب افضلی، ملی بیرلیک حکومتی نینگ رهبرلری اداری فسادده قولی بارلیککه عیبلهنیب اوشلنگن شخصلر بیلن جدی یاندهشمهگن دیگن. شونینگدیک اداری فساده گه قرشی کورهش عدالی وقضایی ادارهلر هم قابلیت همده بوتونلهی مستقل ایمسلیکدن اذیت چیکهدیلر.
سیاسی تحلیلچی اسحاق اتمر، ملی بیرلیک حکومتی نینگ رهبرلری رسمی کابلگه مالی همکارلیک قیلهدیگن دولتلرنینگ قانیقتیریش اوچون دستلب اداری فسادگه قرشی کورهشنی جمهور رییسلیک سرایی و اجراییه ریاستیدن باشلهشیی لازم دیگن.
اما، جمهور رییسلیک سرایی مطبوعات خذمتی نینگ سرپرستی شاه حسین مرتضوی، اداری فسادگه قرشی کورهش اوچون ملی بیرلیک حکومتی جدی آدیم کوتارگن و فساد پدیدهسینی یوق ایتیش اوچون حکومت کیسکین صورتده بو ایشگه دوام بیرهدی دیگن.
شونینگدیک جناب مرتضوی، ملی بیرلیک حکومتی نینگ اداری فسادگه قرشی کورهش یولیده آلیب بارگن ایشلری افغانستاننی فسادگه باتگن مملکتلر ایچیدهگی رویخط نینگ ایکّینچی اورینیدن ییتینچی اورینیگه آلیب کیلدی دیدی.
تحلیلچلرنینگ تاکید قیلیب ایتیشیچه، اداری فسادگه قرشی کورهش اوچون ملی بیرلیک حکومتی نینگ رهبرلری دنیا همجمعیت دولتلرینینگ قانیقتیرهآلمهگن حالده، دنیا نینگ افغانستان حکومتیگه کورسته دیگن یاردمی کیسیب قوییلیشی امکاندن اوزاق ایمس دیدیلر.
