آمریکا قوشمه ایالتلری و طالبان گروهینینگ نمایندهلری آرهسیده یولگه قوییلگن تینچلیک سوزلشوولرینی بیشینچی دوری 12- کون گه ییتیشدی.
گزارشلر اساسیده، اوشبو دور ییغینیده تورت موضوع جملهدن تشقی کوچلر افغانستاندن چیقیشی، القاعده و باشقه تروریستی گروهلر بیلن طالبان گروهی نینگ علاقهسی کیسیلیشی، آتیشکیسین و افغانستان حکومتی بیلن طالبان گروهینینگ مذاکرهسی باشلهنیشی اوستیگه بحث قیلینگن.
منبعلر حاضرگچه دوحه ییغینینینگ تفصیلاتی توغریسیده فکر بیلدیرمهگنلر؛ بیراق طالبلرگه یقین منبعلردن بیریسینینگ سلاموطندارگه ایتیشیچه، آمریکا و طالبان نمایندهلری موضوعلرنینگ اساسی اصللری اوستیگه کیلیشگنلر و کیلشوونینگ تفصیلاتی اوستیگه تمرکز قیلینگنی باعث ییغین زمانی نی کوپهیگن.
منبع گه کوره، طالبلر اساسی قیینچلیکلرنی ییچیش اوچون تینچلیک کیلیشوو اوستیگه جدی بولیب و تینچلیک کیلیشووی گنگ بولمهسی اوچون حرکت قیلهدیلر.
شو توغریده:
- تینچلیک سوزلشوولری؛ طالبان گروهی تشقی کوچلر 6 آیده چیقیشینی ایستهگن
تینچلیک؛ آمریکا طالبان رهبرلرینینگ آتلری قاره رویخطدن چیقاریلیشینی ایستهیدی
خلیلزاد: تینچلیک سوزلشوولریده بوتون ارزشلر سقلهنیشی کیرهک
افغانستان یشاوچیلریدن یریمی تینچلیک سوزلشوولریدن راضی ایمس دیر
منبع نینگ ایتیشیچه، تینچلیک کیلیشوونامهسی یازیلهدیگن تیل اوستیگه هم بحث قیلینگن و طالبان گروهی کیلیشوونامه مملکت ملی تیللریدن بیری گه یازیلیشینی طلب قیلگن.
سونگی آیلرده افغانستان تینچلیگی اوچون آمریکا حرکتلری کوپهیگن و حاضرگچه آمریکا خاص نمایندهسی زلمی خلیلزاد افغانستان تینچلیگی اوچون 5 مرته طالبلر نمایندهلری بیلن صحبت اوتکزگن.
جناب خلیلزاد حاضرگه قدر قطر باشکنتی دوحه شهریده، آمریکا هیأتی نینگ رهبرلیک قیلیب طالبان نمایندهلری بیلن مذاکره اوتکزماقده.
