قندهار ولایت کینگشی اعضالریدن بیرقطاری و «لویپکتیا یاشلر» جمغرمهسی مسؤوللرینینگ ایتیشیچه، حکومت برقی کیملیکلر ترقهتیلیشینی آرتده قالدیرمهی و لایحهنی تیزلیکده بوتون مملکتده باشلهشی کیرهک.
اولرنینگ ایتیشیچه، برقی کیملیکلر ترقهتیلگن صورتده، فساد، ساخته کارلیک، جنایت و کیلهجک سیلاوده ساختهکارلیکلر آلدی آلینهدی.
بوگون کابلده خبری بیر ییغینده نطق سوزلهگن «لویپکتیا یاشلر» جمغرمهسی باشلیغی محمدحکیم صافی، برقی کیملیکلر ترقهتیلیشی باشلنگنینی خوش قرشیلب ایتیشیچه، کیملیک هر بیر کیشینینگ کیملیگینی کورستهدی. شو یوزهدن لویپکتیا یاشلری، حکومتدن تیزلیکده اوشبو لایحهنی بوتون مملکتده باشلهشینی سورهیدی و بو ایش بولگنده، کیلهجک سیلاو تنیق و یخشی بیر شکلده یولگه قوییلیشیگه زمینه یرهتیلهدی.
جناب صافینینگ ایتیشیچه، برقی کیملیکلر ترقهتیلیشیگه قرشی قیینچیلیک یرهتهدیگن کیشیلر، بوتون افغانستان خلقینینگ حقیگه جفا قیلهدیلر.
باشقه تاماندن، سلاموطندارگه صحبت بیرگن قندهار ولایت کینگشی اورین باسری عبدالقیومنینگ ایتیشیچه، جمهورلیک ریاستی تامانیدن برقی کیملیکلر ترقهتیش لایحهسی باشلهنیشی ایجابی بیر ایش بولگن و اولر بو لایحهدن حمایه قیلهدیلر.
بیراق، کابلده بیلیم یورت استادلری، سیاستچیلر و حقوق بیلیم دانلری اشتراکیده خبری ییغین اوتکزگن «گذار حرکت» رهبرلیک اعضالرینینگ ایتیشیچه، ارگ ایچیده قطار کیشیلر قوم و قومگرالیک بحثینی آلغه سوریب وضعیتنی بوندن آرتیق یمان قیلیش اوچون سعی و حرکت قیلهدی.
اوشبو ییغینده سوزگه چیققن سیلاولر ایرکین کمیسیونینینگ سابق باشلیغی فضلاحمد معنوینینگ ایتیشیچه، حکومت قوم بحثینی سیاسی بحثدن اجرهتیشی کیرهک و اجرهتمهگن صورتده، مملکت یمان وضعیتلرگه دوچ کیلهدی.
جناب معنوی، یشاوچیلردن جمهورلیک ریاستیدهگی تشکیلاتنینگ قومگرالیک و اتفافسیزلیک برنامهلریگه سهم آلمهی و بیر-بیراویگه بولگن حرمتنی سقلشلرینی سورهدی.
جمهورلیک ریاستیده برقی کیملیکلر سیناو شکلده ترقهتیلیشی جدی قرشیلیکلرگه روپهره بولدی و اهالیگه قوشیمچه اجراییه باشلیغی عبدالله عبدالله و اونینگ ایکینچی اورین باسری محمد محقق، جمهورلیک ریاستینینگ بو قراریگه قرشیلیک بیلدیردیلر.
