افغانستان ملی خوفسیزلیک کینگشی مصلحتچیسینینگ بیرلشگن ملتلر تشکیلاتینی خوفسیزلیک کینگشی ییغینیده ایتیشیچه، تینچلیک خصوصیده طالبان گروهی بیلن کیلیشیلگن حالده هم خلق ارا تروریسمینینگ تهدیدی دوام تاپهدی.
بیرلشگن ملتلر تشکیلاتینینگ خوفسیزلیک کینگشی ییغینیده مملکت ملی خوفسیزلیک کینگشینی مصحلتچیسی حمدالله محب نینگ ایتیشیچه، افغانستان امنیتی کوچلری عصیانچیلرگه قرشی کورهشلریگه دوام بیرهدی؛ بیراق عصیانچیلرگه قرشی کورهشیش یالغیز افغانستانلیکلرنینگ مسوولیتی ایمس، بلکیم دنیا جماعهچیلیگی بو توغریده همکارلیک قیلیشی کیرهک.
جناب محب نینگ کوپهیتیریشیچه، افغانستان حکومتی، طالبان گروهی بیلن یوزمهیوز مذاکره قیلیشگه تیار دیر« طالبان گروهی تینچلیک ایستهگینی عملی قیلیب یشاوچیلر و امنیتی کوچلرگه قرشی اویوشتیرهدیگن هجوملرینی توختهتیشلری کیرهک.»
ملی خوفسیزلیک کینگشی مصلحتچیسی نینگ تاکید قیلیشیچه، تینچلیک لایحهسیده افغانستان اساسی قانونی و دموکراتیک لایحهلرگه حرمت قیلینسین.
عینحالده، افغانستان بوییچه بیرلشگن ملتلر تشکیلاتینینگ خاص نمایندهسی تادامیچی یاماموتو نینگ ایتیشیچه، اوتگن 3 آی جریانیده سیلاو یولگه قوییلیشی و تینچلیک سوزلشوولری خصوصیده افغانستان حکومتی ایریم یوتوقلرگه قول تاپگن.
جناب یاماموتو، طالبان گروهی نینگ افغانستان دولتی بیلن یوزمهیوز مذاکره قیلیشگه تیارگرلیک کورستگنینی اونملی بیلیب ایتیشیچه، دنیا جماعهچیلیگی و منطقه مملکتلری افغانستانلیکلرنینگ رهبرلیگیده بولگن تینچلیک سوزلشوولردن حمایت قیلیشی کیرهک.
افغانستان بوییچه بیرلشگن ملتلر تشکیلاتینینگ خاص نمایندهسیگه کوره، افغانستاننینگ 18 ییللیک یوتوقلری زیان کوریشی خصوصیده بیرلشگن ملتلر تشکیلاتی هم خواطر بیلدیرگن.
جناب یاماموتو نینگ کوپهیتیریشیچه، تینچلیک کیلیشوویده عیاللرنینگ حقوقی، میدیالرنینگ ایرکینلیگی و مدنی فعالیتلر سقلهنیشی کیرهک.
افغانستان بوییچه بیرلشگن ملتلر تشکیلاتینینگ خاص نمایندهسیگه کوره، جمهورلیک ریاستی نینگ سیلاوی یولگه قوییلیشی اونملی دیر؛ بو سیلاو تعیین ایتیلگن زمانیده یولگه قوییلگن صورتده، ایریم قیینچیلیکلرگه روپهره بولیشی ممکن.
