افغانستان تینچلیک لایحهسی بوییچه آمریکا تشقی ایشلر وزیرلیگینینگ خاص نمایندهسی زلمی خلیلزادنینگ توییتر صحیفهسیده یازیشیچه، جامع تینچلیک کیلیشوو آمریکا ایستکلریدن دیر. اونینگ ایتیشیچه، چیتایللیک کوچلرنینگ افغانستاندن چیقیشی خصوصیده هیچقندی کیلیشوو صورت تاپمهگن.
خلیلزاد نینگ یازیشیچه، « افغانستان تپراغیدن باشقه مملکتلرنینگ تهدید ایتیلمهیشینی ضمانت قیلیش، چیتایللیک کوچلرنینگ افغانستاندن چیقیشی، سوزلشوولرنینگ افغانستانلیکلر آرهسیده صورت تاپیشی و دایمی آتیشکیسین تینچلیک سوزلشوولرنینگ موضوعلریدن دیر.»
قطرده طالبان سیاسی دفترینینگ سوزلاوچیسی سهیل شاهین نینگ اوتگن کیچه توییتر صحیفهسیده یازیشیچه، آمریکالیک کوچلرنینگ افغانستان چیقیشی خصوصیده کیلیشوو صورت تاپگن دیر.
جناب شاهین گه کوره، آمریکا بوتون کوچلرینی افغانستان چیقاریش و کیلهجکلرده افغانستان ایچکی ایشلریگه دخالت قیلمهیشینی قبول قیلگن.
کیلهجک بیر هفتهگهقدر تینچلیک سوزلشوولرنینگ 7- دوری یولگه قوییلیشی اوچون قرار قیلینگن بیرچاغده، بو صحبتلر مطرح قیلینهدی.
