آمریکا قوشمه ایالتلری نینگ نمایندهلری و طالبان گروهی نینگ نمایندهلری آرهسیده اوتکزیلهدیگن تینچلیک سوزلشوولریده بحث گه آلینهدیگن جنجللی موضوعلردن بیری آتیشکیسین بولگن.
آمریکا و افغانستان حکومتی طالبان گروهی تامانیدن آتیشکیسین قبول قیلینیشی اوستیگه تأکیدلیدیلر و ینگیلیکده افغانستان تینچلیک لایحهسی بوییچه آمریکا تشقی ایشلر وزیرلیگینی خاص نمایندهسی زلمی خلیلزاد، اوتگن کون اوز توییتر صحیفهسیده بیر مطلب یازیب طالبان گروهی نینگ رهبرلیگیدن بو گروه نینگ تینچلیک خصوصیده بولگن هیأتی گه آتیشکیسین توغریسیده بحث قیلیش صلاحیتی بیریلیشی نی سورهگن.
عین حالده، سلاموطندارگه صحبت بیرگن طالبان گروهی سوزلاوچیسی ذبیحالله مجاهدنینگ ایتیشیچه، طالبان گروهی آمریکا قوشمه ایالتلری نینگ نمایندهلری بیلن آتیشکسین توغریسیده صحبت قیلمهیدی.
اونینگ ایتیشیچه، اوروش اولرنینگ اوستیگه تحمیل بولگن و افغانستاندن آمریکاییلر چیقگونگهقدر آتیشکیسین دن خبر یوق دیر.
شو توغریده…
پکتیا؛ دین عالملری آتیشکیسین ایستهگن
«حکومت و طالبان گروهی آتیشکیسین اعلان قیلسین»
طالبان گروهی بیلن بولگن آتیشکیسین حیاتیمده اینک یخشی ایستدهلیک ایدی
جمهور باشلیغ: آتیشکیسین یکونلندی و عملیات باشلنهدی
طالبان گروهی سوزلاوچیسی گه کوره، بو گروه اوروشنی توختهتگن صورتده، آمریکاییلر افغانستاندن چیقمهیدیلر.
طالبان گروهی اوتگن ییل هییت کونلریده آتیشکیسین گه موافقت بیلدیرگن ایدیلر، بیراق کورینیشیچه، او آتیشکیسین دن یخشی خاطرهلری یوق دیر.
طالبان گروهی کیسکین شکلده آتیشکیسین گه قرشیلیک کورسهتیب تورگن بیرچاغده، مذکور گروه نینگ جنگریلری و افغان امنیتی کوچلری آرهسیده مملکت نینگ کوپینچه ولایتلریده جدی شکلده اوروش دوام ایتماقده.
اسلامی حکومت تشکیل ایتیلهدی
سلاموطندارگه صحبت بیرگن طالبان گروهی سوزلاوچیسی نینگ ایتیشیچه، افغانستانده طالبان گروهی اسلامی توزوم تشکیل قیلهدی و برچه ایشلرگه اسلامی قانونلر اساسیده تیکلنهدی.
عیاللرنینگ ایرکینلیکلری توغریسیده ذبیحالله مجاهدنینگ ایتیشیچه، عیاللرنینگ ایرکینلیکلرینی دین عالملری مشخص قیلهدیلر و بو ایرکینلیکلر اسلام ایتگنیدیک بولهدی. مجاهدگه کوره، عیاللرنینگ ایرکینلیکلرینی غرب مدنیتی اساسیده قبول قیلمهیدیلر.
طالبان گروهی سوزلاوچیسی نینگ کوپهیتیریشیچه، اسلامی حکومت تشکیل ایتیلیشی خصوصیده طالبان گروهی نینگ موضوعی قطرده افغانستان سیاستچیلری نینگ کیلهجک ییغینیده بیان ایتیلهدی و بو توغریده قرشیلیک کورسهتیلگن صورتده، بو گروهی سونگی حرکتلرینی قولگه آلهدی.
افغانستان حکومتی نینگ هیأتی و طالبان گروهی نینگ نمایندهلرینی ییغینی جاری میلادی آی قطرده یولگه قوییلیشی خصوصیده قرار قیلینگن و بو ییغینده افغانستان کیلهجگی توغریسیده مذاکره قیلینهدی.
شونینگدیک، ملی بیرلیک حکومتی قطرده اشتراک قیلهدیگن کیشیلرنینگ رویخطی نی نشر قیلدی.
