افغانستان جمهورلیک ریاست سرایی، ملی بیرلیک حکومت اجراییه باشلیغی عبدالله عبدالله نینگ سوزلریگه عکسالعمل بیلدیرگن. اجراییه باشلیغی نینگ ایتیشیچه، جمهور رئیس غنی نینگ تینچلیک خصوصیده بولگن ریجهسی برنامه ایمس، بلکیم بیر آرزو دیر.
جمهورلیک ریاست سوزلاوچیسی صدیق صدیقی، اوز توییتر صحیفهسیده یازیب ایتیشیچه، جمهور رئیس غنی، تینچلیک خصوصیده بولگن اوز توشونچهسینی باشقهلرگه آچیق شکلده ایتیب بیرهدی و اونینگ نتیجهسی گه قول تاپیش خصوصیده، عملی آدیملر کوترهدی.
جناب صدیقی نینگ ایتیشیچه: «برنامه نی آرزوگه پیوند بیریش سیاسی ملاحظهلر سُستلیگینی کورستهدی و حاضر سیاسی عمل زمانی کیلگن.»
ملی بیرلیک حکومت اجراییه باشلیغی عبدالله عبدالله، نیچه کون آلدین ایچکی میدیالردن بیری بیلن اوتکزگن صحبتیده ایتیشیچه، جمهور رئیس غنی نینگ طالبان ارا تینچلیک اوچون بولگن تینچلیک ریجهسی برنامه ایمس، بلکیم بیر آرزو دیر.
اجراییه باشلیغی نینگ کوپهیتیریشیچه، تینچلیک ریجهسی ایجاد ایتیلیشی خصوصیده، سیاستچیلر بیلن مصلحت قیلینمهگن.
شونینگدیک، جمهور رئیس غنی نینگ ملی خوفسیزلیک کینگش مصلحتچیسی حمدالله محب، نیچه کون طالبان ارا سوزلشوو اوچون هر تامانلمه بیر تینچلیک ریجهسی ایجاد ایتیلگنیدن خبر بیرگن ایدی.
جناب محب نینگ ایتیشیچه، اولر تینچلیک سوزلشوولری باشلهنیشی خصوصیده شرط قویگن و بو شرطلر ایسه، بیر آیلیک آتیشکیسین، طالبان گروهی نینگ قومندانلری اوستیگه مذکور گروه رهبرلیگینینگ حاکمیتینی اثباتلش و تینچلیک تأمینلنگنیدن سونگ، باشقه گروهلرگه پاکستان تامانیدن تعلیم بیریلمهسی دیر.
اونینگ کوپهیتیریشیچه، اوشبو 7 مادهلیک ریجه اوچ بولیمدن عبارت بولگن؛ بیرینچی بولیمی تینچلیک سوزلشوولری گه تیگیشلی، ایکینچی بولیمی منطقهیی کیلیشووگه تیگیشلی و اوچینچی بولیمی ایسه مملکتده اقتدارلی حکومت ایجاد ایتیلیشیگه تیگیشلی بولهدی.
شو توغریده…
افغانستان حکومتی طالبان گروهی بیلن مذاکره قیلیش خصوصیده شرط قویدی
