سلاموطندارگه صحبت بیرگن حکومتی بیر منبع نینگ ایتیشیچه، تینچلیک سوزلشوولریده افغانستان حکومتی نینگ اشتراکی خصوصیده طالبان گروهی نینگ هیچ بیر قیینچیلیگی یوق دیر و بو گروه نینگ یالغیز حکومت تشکیلاتیده بولگن مشخص کیشیلر بیلن قیینچیلیگی بار.
آتی فاش ایتیلیشینی ایستمهگن اوشبو منبع نینگ ایتیشیچه، طالبان گروهی ملی بیرلیک حکومتی نینگ اجراییه باشلیغی عبدالله عبدالله بیلن مذاکره قیلیش گه علاقه کورستگن. منبع گه کوره، بو علاقه ملی بیرلیک حکومتی ده عبدالله عبدالله نینگ «سیاستی بیردیک» بولگنی اوچون کورسهتیلگن.
یقین آرهده تینچلیک سوزلشوولرینی آلتینچی دوری قطرده یولگه قوییلیشی خصوصیده قرار قیلینگن، بیراق جمهورلیک ریاستی نینگ ایتیشیچه، طالبان گروهی افغانستان حکومتی بیلن ایرکین سوزلشووگه حاضر بولگونگهقدر، بو ییغینده اشتراک قیلمهیدی.
عین حالده، تصدیق ایتیلمهگن گزارشلر افغانستان حکومتی نینگ نمایندهلیگیدن اجراییه باشلیغی عبدالله عبدالله طالبان گروهی بیلن بولهدیگن آلتینچی دور مذاکره ده اشتراک قیلیشی دن خبر بیرهدی.
منبع نینگ سلاموطندارگه ایتیشیچه، طالبان گروهی بیلن بولهدیگن تینچلیک کیلیشوو ریجهسی اوستیگه هم سوزلشوولر دوام ایتماقده، «بیراق بو ریجه قرشیلیکلرگه هم روپهره بولیشی ممکن.»
اوشبو بیاناتلر مطرح ایتیلگن بیرچاغده، طالبان گروهی افغانستان تینچلیک جریانی خصوصیده سعی و حرکتلر باشلنگنیدن بویان حکومت بیلن ایرکین سوزلشوو توغریسیده علاقه کورستمهگن.
بو موضوع توغریسیده جمهورلیک ریاستی نینگ فکرینی اورگنیش اوچون علاقه قوردیک، بیراق سعی و حرکتلریمیز نتیجهسیز قالدی. طالبان گروهی هم حاضرگچه بو توغریده هیچ نرسه دیمهگن.
شو توغریده…
