هرات ولایتینینگ محلی امنیتی بلند مرتبهلی رسمیلری، ملا اخترمحمد منصورگه منسوب ملا صمد کیشیلری بیلن ملا رسولگه قرهشلی ملا ننگیلالی کیشیلری اورتهسیده قوراللی توقنشو یوز بیرگنی بارهسیده خبر بیرماقدهلر. ولایتنینگ شیندندن تومنیده یوز بیرگن بو اوروش جریانیده 30 طالب هلاک بولیب، 20 نفر یرهلنگن.
هرات ولایت عاموی اخبارات واسطهلرینینگ مسوولی جیلانی فرهادنینگ سلاموطندرگه ایتیشیچه، اوتگن کون (دوشنبه 17-) ده باشلگن ارووشنی هنوز هم دوامی بار.
ملا اختر محمد منصور رهبرلیگیده بولگن طالبلر گروهیدن ایریلگن ملارسول، مذکور گروه پاکستان تامانیدن دستکلنهدی دیگن.
هرات پولیس قوماندانلیگینینگ سوزلاوچیسی عبدالرووف احمدی، توقنشوو یول چیتیگه اورنه تیلگن ماین پارتلشی عاقبتیده ملا صمدنینگ ایکّی نفری هلاک بولگن بیر چاغده اوشبو ایکی گروه ایچیده قوراللی آتیمشه یوز بیرگن دیگن.
جناب احمد، توقنشوو یوز بیرگن محلده ملی کوچلر امنیتی چاره تدبیر کورگنلر دیگن.
مملکت غربیده ملی اردونینگ بیرینچی لوا ارکان رییسی جنرال اخترمحمد همدم، طالبلرنینگ مذکور ایکّی قوماندانیگه قرهشلی گروهلر تومن نینگ «غودال، کریمه خانه، قلعه کنجک اطراف پرمکان» منطقهلریده توقنشگنلر دیگن.
جناب همدم، باشقه جنگریلر هم مذکور ایکّی گروهگه یاردم بیریش اوچون فراه، هملند نیمروز ولایتلریدن شیندند تومنیگه کیلنگنلیک لرینی ایتگن.
شونینگدیک جنرال همدم، قولگه کیریتیلگن معلوماتلرده، اوروش قیلگن ایکّی گروهنینگ سانی چمهسی 400 کیشی بولگن دیگن.
قوماندان، ملی کوچلر ایکی تامانده یوز بیرگن اوروشنی نظارت قیلهدی دیگن.
بیرینچی مرته قوراللی طالبلرنینگ ایکّی گروهی اورتهسیده اوروش یوز بیرمهگن. بوندن آلدین هم طالبلرنینگ رهبری دییه اوزینی ایلگری سورهدیگن قوماندانلر اورتهسیده جنگ یوز بیرگن.
