نمایندهلر کینگشی ده غزنی ولایتی نینگ سابق نمایندهلری و هزاره نمایندهلریدن بیرقطاری، غزنی ولایتیده نمایندهلر کینگشی سیلاوی حوزهیی بولیشی گه مخالفت کورسهتیب و بو ایش قانون گه قرشی دییدیلر.
نمایندهلر کینگشی اعضاسی علیاکبر جمشیدی نینگ ایتیشیچه، غزنی ولایتی نینگ نمایندهلر کینگشی سیلاوی بیر حوزه ده اوتکزیلیشی کیرهک.
جناب جمشیدی گه کوره، غزنی حوزهسیده نمایندهلر کینگشی سیلاوی ایکی حوزهیی شکلده اوتکزیلگن صورتده، جاغوری تومنی ولایت بولیشی لازم.
بیراق، نمایندهلر کینگشی اعضالریدن باشقه بیرقطاری نینگ ایتیشیچه، نمایندهلر کینگشیده هزارهلر یشهیدیگن ولایتلرنی نمایندهلری، کینگش ریاستی اوستیگه میررحمان رحمانی بیلن معامله قیلگنلر.
اولرگه کوره، هزارهلر یشهیدیگن ولایتلرنی نمایندهلری میررحمان رحمانی دن حمایت قیلهدیلر و بدلیده جناب رحمانی، غزنی ولایتیده نمایندهلر کینگشی سیلاوی ایکی حوزهیی شکلده یولگه قوییلیشی گه توسیق بولهدی و یا-ده جاغوری تومنینی ولایت قیلهدی.
نمایندهلر کینگشیده غزنی ولایتی نینگ سهمی 11 چوکی دیر و ایلگری اوتکزیلگن نمایندهلر کینگشی سیلاویده هزاره قومی دن 11 کیشی نمایندهلر کینگشی گه یول تاپگن و باشقه قوم دن هیچ بیر نماینده یوق ایدی.
