جمهور رییسنینگ امنیت بوییچه مصلحتچیسی حنیف اتمرنینگ هندگه قیلگن سفری، مملکت ایچکریسیده سیاسی همده حربی تحلیلچیلرنینگ جدی عکسالعملیگه روپه ره بولدی. ایریملر ایسه جناب اتمرنینگ حاضرگی شرایطده هند سفری جوده حساس دیگنلر.
نمایندهلر مجلسینینگ بیر قطار اعضالری، غرب دولتلری افغانستاننینگ امنیت و سیاسی وضعیتیدن اوزینی اوزاققه آلیشنی نظرده توتگن بیر پیتده مملکت اوچون هند نینگ اساسی رولی بارد دیگنلر.
نمایندهلر مجلسینینگ اعضاسی عبدالودودنینگ پیمان سوزلریگه کوره، روسیه و هند افغانستان و منطقهده امنیت تامین ایتیلیشی اوچون مناسب تنلاو دیر. جناب پیمان، افغانستان هند قبالیده دایمی بیر استراتژیکدن فایدهلنیب و خوفسیزلیک مسالهلری اوچون بو مملکتدن کومک سورهشی کیرهک دیگن.
ملی امنیت بوییچه مصلحتچی اوتگن کون (یکشنبه) « ایکی مملکت علاقهسی مستحکملهنیشی، اقتصادی بولیملرگه هند همکارلیکلرینی جلب قیلیش و ترورچیلرگه قرشی کورهشیش» نیتی اوچون ینگی دهلیگه سفر قیلدی. جناب اتمر مذکور سفرده هندوستان ملی امنیت مصلحتچیسی، ملی مدافعهوزیری، تشقی ایشلر وزیری و باشقه دولت بلند مرتبهلی رسمیلری بیلن اوچرهشب ملاقات اوتکزیشی کوتیلهدی.
وملی خوفسیزلیک مصلحتچیسینینگ سوزلاوچیسی تواب غورزنگنینگ جناب اتمر سفری توغریسیده ایتیشیچه، افغانستان حکومتی مذکور سفرده ییریک یوتوقلرنی کوتهدی. جناب غورزنگ ملی بیرلیک حکومتینینگ تاسیس ایتیلگن کونلریده افغانستان و هندنینگ علاقهسی سُست لشگن لیگیگه اشاره قیلیب، اتمرنینگ بو سفری ایسه ایکی مملکت علاقهسی قیتهدن یخشی مستحکم لهنیشی بارهسیده تاکیدلهگن.
خلق ارا تحلیلچی لطیف نظرینینگ ینگی دهلی بیلن کابل نینگ علاقهسی مستحکم لهنیشی اهمیتی بارهسیده ایتیشیچه، هند برچه بولیملرده افغانستان بیلن یخشی علاقهده بولیشنی ایستیدی و افغانستان حکومتی هند برابریده معین استراتژیکنی نظر ده توتمهگن حالده، ایکی مملکت اورتهسیده علاقه مستحکم لهنیشی اوچون هند افغانستان نیتی بارهسیده شبهه قیلیشی ممکن.
جناب نظریگه کوره، ملی بیرلیک حکومتی نینگ بیرینچی کونلریده رسمی کابل هند دن اوزاقلهشیب پاکستان بیلن یقین لهشیشی هندنی ملی بیرلیک حکومتیدن آزورده بولیشیگه سبب بولدی. جناب نظری، افغانستان ملی امنیت بوییچه مصلحتچیسینینگ هندگه سفر قیلیشی رسمی کابل بیلن ینگی دهلی اورتهسیده ایجابی تاثیرگه ایگه بولیشینی ایتگن.
جمهور رییس خوفسیزلیک مصلحتچیسی جناب اتمر هندگه سفر قیلگن بیر چاغده پاکستان هندوستانلیک همکسبیدن افغاستان تینچلیک مذاکرهسی بارهسیده کوپراق بحث قیلیشی اوچون اسلام آبادگه سفر قیلیشنی سورهگن. هند پاکستان ایستهگینی تن آلیشی و آلمسلیگی هنوز انیق ایمس.
