.JPG)
سلاموطندارنینگ قولکه کیریتگن حجتلریگه کوره، سوداگرلیک و صناعت وزیرلیگینینگ 31 فایز ایشلاوچیلری 12- صنفدن فارغ بولگنلر. مذکور وزیرلیک ایشلاوچیلریدن 14 فایزی رشتهلریگه قرشی ایشلرگه کیریتیلگن و 8 فایزی هم جمهور رییس نینگ منظوریسینی آلمسدن ایشگه کیریتیلگن.
قولدهکی حجتلرگه قرهگنده، مذکور وزیرلیک تیکشیروو ایشلری 3 صلاحیتلی نهاد – جمهور رییسلیک سرایی اداری ایشلر دفتری، ملکی ایشلر و ایرکین ادارهلرگه اصلاحات کیرتیش کمیسیونی و اداری فسادگه قرشی کورهشیش یوکسک ادارهسی تامانیدن بجریلگن و اونینگ گزارشی جمهور رییسلیک سرایی اداری ایشلر اورین باسرلیک دفتری تامانیدن سوداگرلیک و صناعت وزیرلیگیگه یوباریلگن.
مذکور وزیرلیک یوقاری مرتبهلی ایشلاوچیلریدن 31 فایزیگه عالی تحصیلاتی بولمهگن حالده ایشگه آلینیشی جمهور رییسلیک اداری ایشلر عمومی ریاستی تامانیدن قانونگه قرشی دیب یازیلگن: «متصدیلر و ملی خدمات ایشلاوچیلری قانونی نینگ 8- مادهسی بیرینچی و ایکینچی جزلریگه قرهگنده، باید ایکینچی بست و اوندن یوقاری بولیمده کیرهدیگنلر تحصیلی چمهسی لیسانس بولیشی لازم؛ نیگه دیگنده اوشبو قتلمده ایشلب کیلهدیگنلر تحصیلی بولمهگنلیگی دلیل مذکور قانونگه قرشی عمل بولیب ایشگه آلینگنلر».
سوداگرلیک و صناعت وزیرلیگینینگ مطبوعات بولیم باشلیغی مسافر قوقندی نینگ سلاموطندارگه معلوم قیلیشیچه، مذکور وزیرلیک ایشلاوچیلریدن 45 فایزی تحصیلاتلری 12گه قدر بولگن و بولر سونگی 14 ییلده مذکور وزیرلیککه ایشگه آلینگن و بیردن اوشبو سانگه بولگن ایشلاوچیلرنی چیقاریش امکانیتدن اوزاق.
ایریم حجتلرنی کورستیشیچه، مملکت سوداگرلیک وزیری همایون رسا بوش بستلرنی اعلانگه کیتیشنی اوزی کیچیکتیرگن. حجتلرگه کوره، آلتی کیشی تورتینچی، بیشینچی و آلتینچی بستلرده کامیاب بولگن ایکنلر، بیراق حاضرگه قدر بولرنی ایشگه کیریش بویروغی وزیر تاماندن صادر ایتیلمهگن.
.jpg)
جمهور رییسلیک سرایی اداری ایشلر عمومی ریاستی گزارشیگه دقتسیزلیک
بو گزار 8 ورقنی اوزیگه آلیب، کوپلب بوشلیقلر بیلن بولگن؛ ایریم بولیملرده تیکشیرووچیلرنی سهلانگارلیگی و اولرنی ایریم شخصلرگه و سوداگرلیک و صناعت وزیرلیگی ایچیدهگی حلقهلر بیلن یاردم بیریشلری سبب بولگن تا جمهور رییسلیک سرایینینگ اداری ایشلر بوییچه دفتری، اداری و ملکی خدماتلرگه اصلاحات کیریتیش ایرکیم کمیسیونی و اداری فسادگه قرشی کورهشیش یوکسک ادارهلریکه بو گزارشنی ترتیب بیریشگه سهملری بولگن ایکن سوراق آستی ایلتگن.
سوداگرلیک وزیرلیگینینگ جوازنی رویخطگه آلیش ادارهسی باشلیغی خانرسول قرلقنینگ آتی، اسملر رویخطیده اوزگرتیریلیب، قاضی رسول یازیلگن. شونینگدیک، سوداگرلیک ایشلری بوییچه اورین باسری مزمل شینوارینینگ بستی اوزگریب، اداری اورین باسر صفتیده یازیلگن.
بیراق کوزگه کورینهدیگن آرتیقچه خطا، مذکور اوچ ادارهنینگ قطار کیشیلر و صنعت و سوداگرلیک وزیرلیگیدهگی ایریم تشکیلاتلرگه یاردم بیریشی بولگن. تحصیلی رشتهسیگه قرشی تعیین ایتیلگن بلندمرتبهلی ایشچیلرنینگ رویخطیده «افغانکارت» شرکتینینگ باشلیغی محمدظریف ارغندنینگ آتی کورینهدی و بو میدیا گزارشلری و صنعت و سوداگرلیک وزیرلیگی ایشچیلرینینگ تالان قیلیش دوسیهلری خصوصیده تیکشیرووچی ادارهنینگ بی فرق یاندهشگنینی کورستهدی.
 - Copy 1.jpg)
«افغانکارت» شرکتینینگ باشلیغی محمد ظریف ارغندنینگ مالی و اداری فسادی توغریسیدهگی گزارش اوچون «سلاموطندار» سایتیگه باش اورینگ:
«تعیین ایتیلیش حجتلری یکونلنگن ایشچیلر» رویخطیده قطار کیشیلرگه کوزیمیز توشهدی، اولر نه فقط سرپرست، بلکیم تحصیلی رشتهلریگه قرشی صنعت و سوداگرلیک وزیرلیگیده ایشلهیدیلر. دفتر ریاستینینگ سرپرستی عبدالحکیمنینگ حقوق بولیمیده لیسانس حجتی بولیب، بلندمرتبهلی رسمیلردن بیری حاضرگچه سرپرست و تحصیلی رشتهسیگه قرشی ایشلهیدی. عین حالده، صنعت و سوداگرلیک وزیری، مذکور کیشینینگ بیرینچی و ایکینچی بستلرده تعیین ایتیش بورد اعضاسی و شونینگدیک «شارت لیست» کمیتهسیده اوشبو کمیتهنینگ اعضاسی صفتیده تانیشتیرگن. مذکور کیشینینگ آتی «تحصیلی رشتهلریگه قرشی تعیین ایتیلگن بلندمرتبهلی ایشچیلر» رویخطی اورنیده «تعیین ایتیلیش حجتلری یکونلنگن ایشچیلرنینگ رویخطیده کیریتیلیشی» وزیرنینگ معاملهسی، مصلحتی کیلیشیشی و اوشبو گزارشنی تیارلگن اوچ اداره ده جناب عبدالحکیمنینگ نفوذی بارلیگینی کورستهدی.
«عالی اوقووگه ایگه بولمهگن بلندمرتبهلی ایشچیلر» رویخطیده صنعت و سوداگرلیک وزیرلیگی تفتیش باشلیغی گلابجان شیرزادنینگ آتی کورینمهیدی. دیمک صنعت وسوداگرلیک وزیرلیگینینگ تفتیش ریاستی، اوشبو وزیرلیکنی اساسی ادارهلریدن بیری سنلهدی. معلوم ایمس اوچ صلاحیتلی اداره جملهدن جمهورلیک ریاستی اداری ایشلری، اداری اصلاحات و ملکی خذمتلر ایرکین کمیسیونی و اداری فسادگه قرشی کورهشیش عالی ادارهسی، سوداگرلیک وزیرلیگی تفتیش ریاستینی کوزدن کیچیریب و تفتیش قیلمهگن.
باشقه بیر حجتده، صنعت و خصوصی بولیمنی رواجلنتیریش اورین باسری داکتر عبدالباری رحمان، اداری فسادگه قرشی کورهشیش و اصلاحات کیلتیریش اوچون، ۷/۱/۱۳۹۵ تاریخیده چمهسی جمهورلیک ریاستی اداری ایشلر عمومی ریاستینینگ گزارشیدن 11 کون آلدین، ایریم مسئلهلرنی جناب غنینینگ اوزیگه تکلیف قیلگن ایدی. بو حجتده بوندهی کیلگن: «دیمک لیسانس درجهسی تعیین ایتیش معیارلریدن بیری بولیب، ریاستی بستلر اوچون ملکی خذمتلرنی حاضرگی قانونیده معلوم قیلینگن؛ انه شو اساسده، مذکور وزیرلیکنی ایچکی تفتیش ریاستی حاضرگی متصدیسینینگ تحصیلی درجهسی بکلوریا بولگنی باعث، جاییده شرایطگه ماس باشقه بیر کیشی سی بی آر لایحهسی اساسیده تعیین ایتیلیشی کیرهک»
صنعت و سوداگرلیک وزیری همایون رسا، بیر ییل آلدین، افغانستان نمایندهلر کینگشیدن ایشانچ آواز قولگه کیریتدی؛ بیراق حاضرگچه عالی اوقووگه ایگه بولمهگن بلندمرتبهلی ایشچیلرنی ایشدن بوشهتیب، یخشی توشینچه و عالی اوقووگه ایگه یاشلرگه زمینه یرهته آلمهگن.
باشقه تاماندن، جمهورلیک ریاستی اداری ایشلر، اداری اصلاحات و ملکی خذمتلر ایرکین کمیسیونی و اداری فسادگه قرشی کورهشیش یوکسک ادارهسیدیک ادارهلر یاشلر اوچون امید بولهآلمهگن، اوشبو اونملی مسئله خصوصیده، بی فرق یاندهشیلیب و معامله بولگنی باعث، جمهور رییسنینگ اداری فسادگه قرشی کورهشیش خصوصیده بیرگن سوزلری سوراققه دوچ کیلگن.
