سلاموطندار تامانیدن قولگه کیریتیلگن معلومات گه کوره، مالیه و شهر قوریش وزیرلیکلری و شونینگدیک، کابل شهردارلیگی مرکزی سیلونینگ یشیل ساحهسیدن 40 جریب ییرنی کاردان خصوصی بیلیم یورتی گه تاپشیریش خصوصیده قرار قیلگن. سلاموطندارگه صحبت بیرگن منبع نینگ ایتیشیچه، شهر قوریش و ییر بوتونلیک وزیری محمدجواد پیکار، کابل شهرداری احمد ذکی سرفراز بیلن بیرگهلیکده مرکزی سیلوگه تیگیشلی 40 جریب ییرنی «بوتون تدارکاتی لایحهلر و کیم آچتی سوداسیگه قرشی کوپ بدلی ده کاردان بیلیم یورتی گه تاپشیرهدیلر.»
کاردان بیلیم یورتی افغانستانده بیرینچی درجهلی خصوصی بیلیم یورتلردن بیری سنلهدی. اوشبو بیلیم یورت نیچه صحیفهلیک بیر ریجه اساسیده، مالیه وزیرلیگیدن مرکزی سیلونینگ یشیل ساحه ییرینی اوقوو مجموعهسی قوریلیشی اوچون 99 ییلگچه مذکور بیلیم یورت اختیاری گه قوییشی نی طلب قیلگن.
مالیه وزیرلیگی «19/04/1397» تأریخیده مذکور وزیرلیک نینگ خصوصی و عامهوی بیرلشمه بوییچه مسلکی ریاستی نینگ پروژهلرنی تیکشیریش و تحلیل قیلیش آمریتی گه «165» رقملی مکتوب یوباریب و بو موضوع نی شهر قوریش وزیرلیگی بیلن شریک قیلگن و بو وزیرلیکدن بیر هفته جریانیده بو توغریده موافقتی، توشونچهسی و تکلیفلری نینگ شریک قیلیشی نی طلب قیلگن. اوشبو مکتوب ده بوندهی دییلگن: «کاردان بیلیم یورتی رواجلنتیریش خصوصیده، مرکزی سیلو ادارهسیگه تیگیشلی 40 جریب ییرده 99 ییلگچه 21 میلیون دالر سرمایه یاتقزیش توغریسیده، دستلبکی ریجهسینی آلغه آلیب باریلیشی و باسقیچلردن اوتکزیلیشی اوچون بو ریاست گه یوبارگن.»
بیراق، یشش محیطنی سقلش ملی ادارهسی، بو ییر ساتیلیشی گه قرشیلیک بیلدیرگن. مذکور اداره مسؤوللری نینگ ایتیشیچه، مرکزی سیلونینگ یشیل ساحهسی اوقوو فعالیتلریگه تاپشیریلیشی اجتماعی قیینچیلیکلر و جنجللرگه سبب بولهدی.
یشش محیط نی سقلش ملی اداره نینگ مکتوبی ده کیلیشیچه: «مرکزی سیلوگه تیگیشلی ساحه اوشه زمان نینگ ماستر پلانی اساسیده، سیلوگه تیگیشلی فابریکه قوریلمهلری و فعالیت کمپلیکسی اوچون اثباتلهنیب و نظرگه آلینگن. بونگه علاوه، هوا دغللیگی نینگ آلدینی آلیش و کمهیتیریش قاعدهسی نینگ 14 مادهسی اساسیده، سیلوگه تیگیشلی ساحهدن کمیده 10% یشیل و آچیق فضا اوچون اجرهتیب و اونده درخت ایکیلیشی کیرهک.»
.jpg)
شهر قوریش و ییر بوتونلیک وزیرلیگی، قویاش 1397- ییلده اوی-جای و شهر قوریش وزیرلیگی نامیده یاد بولردی و بو وزیرلیک تامانیدن، مالیه وزیرلیگی نینگ مکتوبی گه جواب یازیلیشیچه، مالیه وزیرلیگی کاردان بیلیم یورتی گه بیریلیشی نی نظرگه آلگن ساحه شهری ماستر پلان اساسیده و جمهورلیک ریاستی نینگ تصدیقی بیلن آذیق-آوقت کارخانهسی گه تیگیشلی صنعتی ساحه نینگ بیر بولیمی دیر.
اوشبو مکتوب اساسیده، مرکز سیلونینگ یشیل ساحهسی ایکی ییل آلدین مالیه وزیرلیگی تامانیدن کابینه نینگ آجنداسیگه کیریتیلگن و بو توغریده «8/6/1396» تأریخیده یولگه قوییلگن کابینه ییغینی نینگ «14، 15 و 16» فقرهسی اوستیگه بحث قیلینیشی کیرهک. بو فقرهلرده بوندهی دییلگن: «14- پروتوکول اساسیده، مرکزی سیلونینگ اونگیده خوشحال خان مینه نینگ الف قسمیده جایلشگن ترانسپورت وزیرلیگی نینگ ملیبس کارخانهسی ایکینچی حوزه آمریتی نینگ جایدادی 69045 متر مربع ییر مالیه وزیرلیگی گه انتقال بیریلیشی تصدیقلنگن. مالیه وزیرلیگی ایسه افغانستان جمهورلیک ریاستی نینگ کابینهسی تامانیدن 17/9/1396 تأریخیده یولگه قوییلگن ییغین نینگ 19- مصوبهسی و 15- فقرهسی اساسیده، مذکور ییرنی قطر الغرافه خیریه مؤسسهسی تامانیدن بیر مینگ اوی-جای قوریلیشی اوچون حجواوقاف و ارشاد وزیرلیگی گه انتقال بیریشی کیرهک. 15- صناعت و سوداگرلیک و ایکینچیلیک و سوولنتیریش وزیرلیکلری ایسه، مرکزی سیلونینگ یانیده جایلشگن آذیق-آوقت کارخانهسی نینگ جایدادی 69045 متر مربع ییرنی افغانستان ییر بوتونلیک ادارهسی آرقهلی ترانسپورت وزیرلیگی نینگ ملیبس کارخانهسیگه انتقال بیریشی لازم. 16- افغانستان ییر بوتونلیک ادارهسی ملیبس کارخانهسیگه انتقال بیریلگن آذیق-آوقت کارخانهسیگه تیگیشلی ییر بدلینی باشقه بیر مناسب ییرده تعیین قیلیب و او کارخانه گه انتقال بیریشی کیرهک.» اوشبو مکتوبده اوی-جای ایشلری بوییچه اویین باسری عزیزاحمد گلستانی نینگ امضاءسی کورینهدی.
افغانستان کابینهسی نینگ اوشبو قراری اساسیده، ملیبس کارخانهسی گه تیگیشلی ییر شهرچه قوریلیشی اوچون اجرهتیلهدی و مرکزی سیلوگه تیگیشلی ییرنی بیر قسمی ملیبس کارخانهسی گه تاپشیریلهدی؛ بیراق کابینه نینگ بو قراریدن بیر ییل اوتگنیدن سونگ، «مرکزی سیلونینگ ییری کاردان بیلیم یورتی گه تاپشیریلگن.»
سلاموطندارنینگ قولی گه توشگن حجت گه کوره، اوشبو مکتوب یوباریلگنیدن 10 کون اوتگنیدن سونگ، شهر قوریش و اوی-جای وزیرلیگی نینگ سرپرستی روشان ولسمل نینگ هم یازیشیچه، مرکزی سیلونینگ ساحهسی کابل شهری نینگ ماستر پلانی و جمهورلیک ریاستی تصدیقی اساسیده، صنعتی ساحه بولگن و حاضر مرکزی سیلونینگ مجموعهسی بو محلده فعالیت قیلهدی.
دیمک «6/5/1397» تأریخیده مالیه وزیرلیگی گه یوباریلگن مکتوب نی باشقه بیر قسمیده کیلیشیچه: «کاردان بیلیم یورتی نینگ کمپلکسی تعلیم و تحصیلی بیر ساحه بولگن صورتده، مرکزی سیلو بنالری نینگ آرقهسیده صنعتی فعالیت قیلهدیگن منطقهده قوریلسین و بولر ایسه فعالیت نقطهی بیر-بیراوی گه قرشی دیر. تعلیم و تحصیلی ساحه گه تینچ وتمیز فضا کیرهک و صنعتی ساحه سیسلی و یشش محیطی دغل بولگنی باعث، اوز اطرافی نی بیزاته قیلهدی.»
بونینگ یانیده، آذیق-آوقت کارخانهسی نینگ عمومی ریاستی تامانیدن شهر قوریش وزیرلیگی گه یوباریلگن مکتوب اساسیده، بو ریاست نینگ ییری کابل شهری نینگ اوچینچی ناحیهسیده جایلشگن و بو ییر کابینه مصوبهسی اساسیده، برقی بسلر کارخانهسی گه اختصاص بیریلگن و بو مکتوبده تعلیمی مؤسسهنینگ اختیاری گه قوییلهدیگن باشقه ییر توغریسیده هیچ نرسه دییلمهگن.
اوشبو مکتوب نینگ باشقه بیر قسمیده آذیق-آوقت کارخانهسی نینگ سرپرستی و اداری اورین باسری امانالله محبوب نینگ امضاءسی کورینهدی و مکتوبده ایسه بوندهی دییلگن: «آذیق-آوقت کارخانهسی عمومی ریاستی نینگ ییری مرکزی سیلونینگ یانی و کابل شهردارلیگی نینگ اوچینچی ناحیهسیگه تیگیشلی منطقهده جایلشگن و بو ییر ایسه افغانستان اسلامی جمهوریت کابینهسی تامانیدن 8/6/1396 تأریخیده صادر ایتیلگن 9- رقملی مصوبه اساسیده، برقی بسلر کارخانهسی نینگ ریاستی اوچون نظرگه آلینگن، چونکه برقی بسلر کارخانهسی نینگ بیشینچی ناحیه گه تیگیشلی مرکزی سیلو مقابلیده بولگن جایدادی قطر مملکتی تامانیدن 1000 اوی-جای قوریلیشی اوچون نظرگه آلینگن. آذیق-آوقت کارخانهسی عمومی ریاستی نینگ بیشینچی ناحیه گه تیگیشلی مرکزی سیلو یقینیده بولگن ییردن باشقه ییری یوق دیر.»
اوشبو مکتوب اساسیده، آذیق-آوقت کارخانهسی نینگ تصدیق قیلیشیچه، اوچینچی ناحیهده تعلیمی مجموعه قوریلیشی اوچون هیچ بیر مناسب ییر یوق دیر.
شونینگدیک، کابل شهردارلیگی تامانیدن صناعت و سوداگرلیک وزیرلیگی گه یوباریلگن مکتوبده یازیلیشیچه، شهری ماستر پلان نقطهی نظریدن ایسلنگن منطقه صنعتی دیر و «اولرنینگ معلوماتی اساسیده، قطار ادارهلر بو منطقه اوچون ایریم برنامهلرنی قولگه آلیشگن.»
حکومتی ییریک بیرمنبع نینگ سلاموطندارگه ایتیشیچه، صنعتی مجموعه یانیده تحصیلی مجموعه قوریش ریجهسی کابل بلدیه باشلیغی احمدذکی سرفراز اویغونلیگی بیلن «ساساکی» ناملی بیر شرکت تامانیدن تیارلنگن. اوشبو منبع گه کوره، مذکور ریجه تیارلنیش چاغیده ساساکی شرکت ایشلاوچیلری بیر مرته هم افغانستانده سفر قیلمهگن.
بو توغریده کابل بلدیهسی نینگ فکرینی اورگهنیش ایستهدیک، بیراق مذکور ریاست مسئوللری صحبت بیریش گه حاضر بولمهدی.
.jpg)
عین حالده، سلاموطندارگه صحبت بیرگن شهر قوریش وزیرلیگی سوزلاوچیسی حشمتالله ناصری رشوت بیریش و مذکور ییر کاردان بیلیم یورتی گه ساتیلیشی نی رد قیلیب ایتیشیچه، مرکزی سیلو کوکلم اطرافیده تحصیلی مجموعه قوریش قراری جمهور رئیس محمداشرف غنی بویروغی اساسیده آلینگن.
بیراق حاضر خصوصی بولیم اینیقسه بیلیم یورت گه تاپشتیریلمهگن. اونینگ ایتیشیچه، حاضر مذکور ریجه اوستیگه ایش نی جریانی بار و تیکشیروولر، قانونی باسقیچلر و شونینگدیک تدارکاتی باسقیچلردن کیین نهایی قرار شریک قیلینهدی.
جناب ناصری گه کوره، حاضرگچه تحصیلی مجموعه قوریش توغریسیده هیچ بیر تامان بیلن کیلیشمهگنلر.
شهر قوریش وزیرلیگی سوزلاوچیسی نینگ کوپهیتیریشیچه، مرکزی سیلو ایشدن قالیب و عمری یکونلنگن و تیزلیکده باشقه بیر ییرگه قوریلهدی.
عین حالده، کاردان مسئوللری نینگ سلاموطندارگه ایتیشیچه، اولر دواطلبی بیر لایحه نتیجهسیده مذکور ییرنی 50 ییل گه قدر قولگه کیلتیرگنلر و هر ییل مذکور ییر اوچون 700مینگ افغانیدن آرتیق دولت گه تولهیدیلر.
کاردان بیلیم یورتی سوزلاوچیسی دکتر محمدظاهر ایوبی نینگ ایتیشیچه، کاردان تحصیلی مجموعهسی نینگ قوریلیشی ایریم دلیلر باعث آرتده قالگن، بیراق 10 میلیونلرچه خرهجت کوتارهدیگن مجموعه نینگ ایشی تیزلیکده باشلنهدی.
مرکزی سیلو ایشلب چیقارهدیگن دولتی ایشخانهلردن بیری دیر کیم مملکت قطار یشاوچیلریگه ایش زمینهسی یرهتیش گه علاوه امنیتی و دفاعی نهادلر و دولتی بیلیم یورت یاتاقخانهلری نینگ قوروق نانی نی تأمین قیلهدی.
شونینگدیک باشقه بیر منبع نینگ سلاموطندارگه ایتیشیچه، مرکزی سیلونینگ کوکلم منطقهسینی کاردان بیلیم یورتی گه ساتیش ریجهسی، کابل شهری نینگ ماستر پلانی گه قرشی دیر.
بو موضوعلرگه علاوه، شونینگدیک سنا کینگشی اعضالردن قطاری یوزلرچه جریب ییرنینگ ناقانونی شکلده ساتیلیشی نی افشا قیلیب ایتیشلریچه، اوشبو ییرلر کابل بیلیم یورتی، ایکینچیلیک وزیرلیگی و عالی اوقوو وزیرلیگی گه تیگیشلی دیر کیم خصوصی نهادلرگه ساتیلگن. منبعلر اساسیده، سنا کینگشی مذکور موضوع نی تیکشیریلیشی اوچون باش قارهلاوچیلیککه یوبارگن.
مرکزی سیلونینگ 40 جریب ییرینی ساتیلیشی توغریسیده صنعت و سوداگرلیک اینیقسه آذیق-آوقت ایشخانهسی و جمهورلیک ریاستی نینگ فکرینی آلیش ایستهدیک، بیراق اولر بو توغریده جواب بیریش گه حاضر بولمهدی.
